Камісар ЕЗ па знешняй палітыцы і Еўрапейскай палітыцы добрасуседства Беніта Ферэра-Вальднэр асуджае прыняцце 27 чэрвеня ў Беларусі новага закону аб СМІ:
“Мне вельмі шкада, што беларускі Парламент прыняў новы закон аб медыях, які яшчэ больш абмяжoўвае свабоду прэсы ў краіне. На жаль, у гэтым законе не ўлічваюцца рэкамендацыі прадстаўніка АБСЕ па свабодзе СМІ Міклаша Харасці, які супрацоўнічаў па гэтым пытанні з беларускай адміністрацыяй. Гэта азначае, што беларускія ўлады страцілі магчымасць палепшыць сітуацыю з медыямі і зрабіць яшчэ адзін крок у бок дэмакратызацыі. Свабода друку – надзвычай важны элемент дэмакратыі, і я заклікаю беларускія ўлады выправіць сітуацыю напярэдадні парламенцкіх выбараў, што маюць адбыцца 28 верасня 2008 г.
“Я вітаю агучаны Беларуссю 19 лістапада намер зрабіць канкрэтныя крокі дзеля таго, каб зрабіць магчымым друк і распаўсюджанне газет “Народная воля” і “Наша Ніва” на тэрыторыі Беларусі і абмеркаваць на прадмет адпаведнасці міжнародным нормам закон пра электронныя СМІ. Я таксама вітаю гатоўнасць Беларусі да шырокай дыскусіі рэкамендацый БДІПЧ/АБСЕ па паляпшэнні выбарчага заканадаўства. Гэта вельмі важныя захады з боку Беларусі, і я чакаю іх хуткай рэалізацыі, а таксама дадатковых крокаў, абяцаных Беларуссю ў сувязі з чаканнямі ЕС.
Камісар па знешніх сувязях і еўрапейскай палітыцы добрасуседства Беніта Ферэра-Вальднэр, зрабіла заяву па выбарах у Беларусі. "У апошнія месяцы мы ўбачылі і віталі некаторыя пазітыўныя зрухі ў Беларусі, у тым ліку вызваленне ўсіх палітычных зняволеных і запрашэнне АБСЕ/БДІПЧ да назірання за парламенцкімі выбарамі 28 верасня.
“Учора, каля 100 беларускіх грамадзян былі арыштаваныя ў часе святкавання 25 сакавіка ў Мінску. Арышты мірных дэманстрантаў і журналістаў, а таксама выпадкі жорсткага абыходжання з гэтымі людзьмі з’яўляюцца недапушчальнымі. Падобныя дзеянні цалкам супярэчаць фундаментальным каштоўнасцям свабоды выражэння і сходаў, таму ўсе мы павінны запатрабаваць тэрміновага і безумоўнага вызвалення ўсіх арыштаваных падчас мірнай акцыі грамадзян. 
“Я была вельмі рада даведацца, што Прэзідэнт Лукашэнка даручыў намесніку міністра замежных спраў Уладзіміру Варанецкаму падпісаць пагадненне пра стварэнне прадстаўніцтва Еўракамісіі ў Беларусі. Гэта яшчэ адзін крок да яго адкрыцця, якое, я спадзяюся, хутка адбудзецца.