Страсбург, 24.11.2011 “Я моцна асудажю прысуд, вынесены сёння праваабаронцу Алесю Бяляцкаму за быццам бы меўшае месца ўхіленне ад выплаты падаткаў. Стаўленне улад да сп. Бяляцкага – яскравы прыклад працяглага пераследу і ціску на арганізацый грамадзянскай супольнасці, які асабліва ўзмацніўся пасля прэзідэнцкіх выбараў 19 снежня 2010 г. Праваабаронцу трэба неадкладна вызваліць без усялякіх умоў, гэтак сама , як і іншых палітычных вязняў, і забяспечыць магчымасць працаваць без ціску на карысць абароны і падтрымкі правоў чалавека ў Беларусі як яму асабіста, так і праваабарончаму цэнтру “Вясна” , – пракаментаваў падзеі Генеральны сакратар Рады Еўропы Торнбьёрн Ягланд.
Страсбург, 26.05.2009. Сёння раніцай на сустрэчы Камітэта па палітычных пытаннях Парламенцкай Асамблеі Рады Еўропы (ПАРЕ), што праходзіць у Парыжы, сябры камітэта адзінагалосна выказаліся за аднаўленне статусу спецыяльна запрошанага для беларускага парламента, які быў прыпынены ў 1997 г. Гэта прапануецца зрабіць дзеля таго, каб “уцягнуць беларускія ўлады ў палітычны дыялог” з адначасовай “падтрымкай дэмакратычных сіл і грамадзянскай супольнасці”.
Прэзідэнцтва Еўразвязу ад імя краін-сяброў Звязу выражае моцнае расчараванне арыштамі вялікай колькасці дэманстрантаў, асабліва моладзі, і асуджае ужыванне гвалту падчас разгону мірных удзельнікаў шэсця з нагоды Дня волі ў Мінску і іншых беларускіх гарадах 25 сакавіка. Еўрапейскі Звяз нагадвае, што галоўная дэманстрацыя ў Мінску была дазволена ўладамі горада і праходзіла ў мірным рэчышчы, таму мы заклікаем безадкладна вызваліць усіх арыштаваных і ўстрымацца ад іх далейшага пераследу.
Паведамленне прэсавай службы Рады Еўропы