Каляндар мерапрыемстваў

28 студзеня (субота) з 15:00 да 22:00 у Мінску будзе праходзіць Форум сацыяльных інавацый. Форум праводзіцца з ініцыятывы Берлінскай школы сацыяльных інавацый “Усходняе партнёрства” за падтрымкай Міністэрства замежных спраў Германіі і ІББ Дортмунд у супрацоўніцтве з сеткай Impact Hub, краўдфандынгавай платформай  planeta.ru (Расія) і ОДБ Брусель (Бельгія). У праграме – два круглыя сталы, прысвечаныя развіццю краўд-тэхналогій у Беларусі і Ўсходняй Еўропе і сацыяльнаму прадпрымальніцтву як аднаму з чыннікаў устойлівага развіцця. Мэта Форуму – абмен досведам і пошук сінергіі і магчымасцей для супрацоўніцтва сярод сацыяльных інватараў ўнутры Беларусі і ва Ўсходняй Еўропе ў цэлым.  Сярод выступоўцаў – практыкі і эксперты з Германіі, Беларусі, Расіі і Ўкраіны. Да ўдзелу запрашаюцца вядучыя гульцы сектару, прыватныя і грамадскія ініцыятывы, эксперты, у тым ліку і прадстаўнікі дзяржаўных інстытутаў Беларусі.

16 лістапада 2016 года ў межах Сусветнага тыдня прадпрымальніцтва ў Беларусі ў Мінску пройдзе семінар "Сацыяльнае прадпрымальніцтва ў Беларусі і свеце". Запрашаюцца: дзейныя прадпрымальнікі і бізнесоўцы, студэнты эканамічных спецыяльнасцей, прадпрымальнікі-пачаткоўцы. На семінары можна пазнаёміцца з беларускімі і замежнымі сацыяльнымі прадпрымальнікамі і дабрачыннымі праектамі, далучыцца да сумеснай працы (прайсці стажыроўку, прапанаваць валанцёрскую дапамогу, інш.). Таксама можна ўбачыць прадукцыю сацыяльных прадпрыемстваў. Арганізатары: ОДБ Брусель (Бельгія), Праграма падтрымкі Беларусі Федэральнага ўрада Германіі.

ОДБ Брусель (Бельгія) разам з Праграмай падтрымкі Беларусі Федэральнага ўрада Германіі запрашаюць некамерцыйныя арганізацыі, якія працуюць у галіне ўстойлівага развіцця і жадаюць знайсці партнёраў з Германіі для рэалізацыі сумесных праектаў, на сустрэчы па наладжванні партнёрстваў, якія пройдуць у Мінску і Гродне.

Мэта мерапрыемстваў - падрыхтоўка сумесных прапаноў для конкурса праектаў Праграмы падтрымкі Беларусі Федэральнага ўрада Германіі.

7 ліпеня 2016 года (чацвер) у Віцебску пройдзе сектарная дыскусія "Збор і пераапрацоўка адкідаў, альбо адказнае спажыванне: Reuse, Reduce, Recycle, Repeat (паўторнае выкарыстанне, скарачэнне, другасная пераапрацоўка, узнаўленне)  - сучасныя тэндэнцыі ў Беларусі і сусветныя трэнды". Мерапрыемства ладзіць ОДБ Брусель (Бельгія) у партнёрстве з Цэнтрам экалагічных рашэнняў (Беларусь). Да ўдзелу запрашаюцца: прадстаўнікі дзяржаўных і недзяржаўных устаноў, органаў улады, мясцовы бізнес, эксперты, СМІ і ўсе зацікаўленыя тэмай дыскусіі.

31 траўня 2016 года ў Гомелі (Беларусь) пройдзе сектарная дыскусія "Новыя трэнды, падыходы і метады ў бізнес-адукацыі, што спрыяюць набыццю запатрабаваных ведаў". Мэта мерапрыемства - абмеркаванне пытанняў працоўнай занятасці моладзі ў Беларусі, патрэбаў наймальнікаў да будучых спецыялістаў, узаемадзеяння ўстаноў сістэмы вышэйшай адукацыі і працадаўцаў (кампаній, арганізацый, прадпрыемстваў, інш.), вызначэнне накірункаў удасканалення бізнес-адукацыі ў Беларусі.

Беларусь робіцца ўсё больш урбанізаванай краінай, разам з ростам гарадоў павялічваецца і мабільнасць людзей. Аднак незбалансаванае гарадское развіццё ды некіраваная аўтамабілізацыя ствараюць шмат цяжкасцей. Досвед розных краін сведчыць пра неабходнасць не толькі будаваць дарогі ды паляпшаць працу грамадскага транспарту, але і засвойваць новыя інструменты кіравання мабільнасцю, арыентуючыся на рэальныя патрэбы ўсіх груп насельніцтва і іх магчымасці руху.

21-22 красавіка 2016 года ў Мінску пройдзе 3-ці Рэспубліканскі сацыяльны форум. Госці Форуму даведаюцца пра сучасныя трэнды развіцця сацыяльнай сферы і такія вызначэнні як "сацыяльная эканоміка", "сацыяльныя інавацыі", "сацыяльныя інвестыцыі", "сацыяльнае прадпрымальніцтва" ды інш. На мерапрыемства запрашаюцца: беларускія і замежныя недзяржаўныя некамерцыйныя арганізацыі, мясцовыя і рэспубліканскія органы кіравання, беларускія і замежныя эксперты, камерцыйныя арганізацыі, журналісты. Рэгістрацыя - да 3 красавіка 2016 года.

1 марта 2016 года в рамках Недели белорусского предпринимательства состоится круглый стол «Социальное предпринимательство в Беларуси: инновации и перспективы». Организаторами мероприятия выступают Союз юридических лиц «Республиканская конфедерация предпринимательства», учреждение «Социальные технологии бизнеса», некоммерческая организация ОДБ Брюссель (Бельгия). Цель мероприятия – познакомить участников с понятием «социальное предпринимательство» в международном и белорусском контексте, а также современными тенденциями его развития.