Мерапрыемствы ў розных гарадах

Кіраўніца "Офіса за дэмакратычную Беларусь" распавяла пра механізмы супрацы інстытуцый Еўразвязу з грамадзянскай супольнасцю Беларусі а таксама адказала на шматлікія пытанні. Вольга Стужынская ў сваім выступе больш падрабязна спынілася на праектах, у якіх задзейнічана яе арганізацыя. Найперш, гэта "Дом узаемапаразумення", які накіраваны на ўсталяванне і пашырэнне партнёрскіх стасункаў паміж еўрапейскімі і беларускімі НДА, а таксама "Офіс еўрапейскай экспертызы і камунікацыі", які кансультуе прадстаўнікоў незалежнага грамадства, а таксама аналізуе складанасці, якія узнікаюць пры рэалізацыі праектаў у Беларусі.

Першае месца ў фінале дзявятага рэспубліканскага конкурсу школьных каманд, прысвечанага тэме "Еўрапейскія аб’яднанні: учора, сёння, заўтра", заваявала каманда "Таварыства ананімных еўрапейцаў" з Берасця.
Сёлета ў конкурсе ўзялі ўдзел 12 каманд. У фінал, які праводзіўся ў Вільні з ласкавай дапамогай абмасады Швецыі, патрапілі тры каманды. За галоўны прыз – пазнавальнае падарожжа ў Брусель, якое арганізуе «Офіс за дэмакратычную Беларусь» таксама змагаліся каманды  "Разам" з Маладзечна і "Еўра-М" з Магілёва, якія занялі адпаведна 2-е і 3-е месцы.

2 сакавіка ў Бруселі адбылося адкрыццё выставы “19 снежня вачыма журналістаў”. Мерапрыемства было арганізавана “Офісам за дэмакратычную Беларусь” (ОДБ) і Беларускай асацыяцыяй журналістаў (БАЖ) у супрацоўніцтве з Пастаянным прадстаўніцтвам Каралеўства Швецыя ў Еўрапейскім Саюзе.

2 сакавіка ў Бруселі  ў офісе Пастаяннага Прадстаўніцтва Каралеўства Швецыі ў Еўрапейскім Саюзе адкрыецца фотавыстава “19 снежня вачыма журналістаў”, на якой будуць выстаўлены 46 фотаздымкаў 7 беларускіх фатографаў.
Ксенія Авімава,Сяргей Балай, Дзмітры Брушко,Уладзімір Грыдзін, Вадзім Заміроўскі, Аляксандр Зянкоў і Аляксей Мацюшкоў дапамогуць убачыць падзеі 19 снежня ў Мінску праз аб’ектывы сваіх фотакамер.

Сонечным днём сустрэў зазвычай пахмуры Брусель выставу беларускага плаката. У адміністрацыі раёнаў Эвэр (d’Evere) ды Форэ (Forest) палічылі, што адной прэзентацыі плёну працы вядомых беларускіх плакатыстаў будзе замала. І сапраўды, у Заходняй Еўропе існуе вялікая цікавасць да савецкага і поставецкага мастацтва, а такі даступны жанр, як сацыяльны плакат, заўсёды знойдзе свайго гледача.

Учора, 26 сакавіка ў бельгійскім  горадзе Антверпен адбылася дыскусія на тэму “Развіццё адносін паміж ЕС і Беларуссю”, услед за якой арганізатары прадэманстравалі стужку вядомага  беларускага рэжысёра-дакументаліста Віктара Дашука. Мерапрыемства ладзілася Беларускім цэнтрам у Антверпене з актыўным удзелам прадстаўнікоў “Офісу за дэмакратычную Беларусь” (Брусель).

28 лютага адбылося чарговае адкрыццё выставы “Візуальны код часу: постсавецкае мастацтва плаката Беларусі”, арганізаванае “Офісам за дэмакратычную Беларусь” у супрацоўніцтве з Беларускім саюзам дызайнераў за фінансавай падтрымкай нямецкай фундацыі Роберта Боша і Нямецкага фонда Маршала ЗША (Браціслава). На гэты раз вандроўны праект гасцяваў у невялічкім мястэчку Гранарола, што каля Балоньі (паўночны ўсход Італіі).

Вандроўная выстава пад назвай “Візуальны код часу: постсавецкае мастацтва плаката ў Беларусі” зрабіла чарговы прыпынак , гэтым разам у Бруселі.
15 студзеня галерэя Aula Toots, што месціцца па адрасе Rue Stuckens, 125, 1140 Evere (Брусель), адчыніла свае дзверы для наведнікаў, дэманструючы плён працы 19 выдатных майстроў жанру.