Мерапрыемствы ў розных гарадах

Студэнты і выкладчыкі Коледжа Еўропы, што знаходзіцца ў бельгійскім Бруге, атрымалі магчымасць больш даведацца пра Беларусь у інтэрактыўнай і забаўляльнай форме. Коледж з прэзентацыяй кнігі наведала адна з аўтарак гумарыстычнага гіду па краіне “Гэта Беларусь, дзетка!” – Марыя Чаракова, пытанні пра Беларусь гучалі падчас інтэлектуальнай віктарыны, атрымаць колькі моўных урокаў можна было ў лінгвістычным кафэ, паспытаць шчасця  – у латарэі, прызом у каторай стала кніга слыннага беларускага пісьменніка і гісторыка Уладзіміра Арлова ў перакладзе на ангельскую мову “Краіна Беларусь”, а на абед у студэнцкай сталоўцы можна было пакаштаваць сапраўдныя беларускія бульбяныя дранікі!

Шаноўныя калегі, партнёры і любыя сябры,
Віншуем Вас з надыходзячымі святамі. Жадаем светлых Калядаў і шчаслівага Новага года.
Хай не абмінуць Вас радасць, поспех і дабрабыт.
Шчыра вашыя,
ОДБ Брусель.

6 па 9 снежня Брусель наведалі пераможцы агульнанацыянальнай алімпіяды "Што я ведаю пра Еўропу?", каманда "Беларускае кола".  "Офіс за дэмакратычную Беларусь" выступіў адным з партнёраў інтэлектуальнага спаборніцтва і арганізатарам і фундатарам галоўнага прызу - падарожжа ў Брусель.

Напрыканцы тыдня на запрашэнне "Офіса за дэмакратычную Беларусь" Брусель наведаюць   пераможцы сёлетняга конкурсу "Што я ведаю пра Еўропу?"  - каманда разумнікаў і разумніц з Навагрудка - "Беларускае кола". Юныя інтэлектуалы пазнаёмяцца з гісторыяй і архітэктурай Бельгіі, здзейсняць падарожжа ў адзін з самых прыгожых еўрапейскіх гарадоў - Бруге, пабачаць арыгіналы карцін сусветна вядомага мастака-сюррэаліста Рэнэ Магрыта,  даведаюцца пра знакамітыя сімвалы Бруселя, змогуць  спраўдзіць свае навыкі ў веданні замежных моваў, адчуюць смак сапраўднай цукровай вафлі, і яшчэ шмат чаго цікавага.

Беларускі фатограф Віталь Бразоўскі, які перамог у фотаконкурсе "Еўропа па суседстве", наведаў Бельгію. Пасля вяртання ў Мінск Віталь, які ніколі раней не падарожнічаў па краінах Заходняй Еўропы, падзеліцца сваімі ўражаннямі  і прафесійным фотаздымкамі з чытачамі нашага сайта. Конкурс "Еўропа па суседстве"  праходзіў у межах "Еўрапейскага міжкультурнага фестывалю 2013", зладжанага "Офісам за дэмакратычную Беларусь" сумесна з беларускімі партнёрамі.

У славацкім выдавецтве "Kalligram" (Браціслава) выйшаў у свет англійскі пераклад папулярнай кнігі Уладзімера Арлова і Зьмітра Герасімовіча "КРАІНА БЕЛАРУСЬ" – "THIS COUNTRY CALLED BELARUS. AN ILLUSTRATED HISTORY". Аўтар перакладу і ўступнага слова да англійскамоўных чытачоў – знакаміты брытанскі беларусіст прафесар Джым Дынглі. Ідэя гэтага выдання  з’явілася даўно, але набыла рэальныя абрысы, калі ёю натхнілася каманда "Офіса за дэмакратычную Беларусь".
 

18  снежня ў Бруселі адчынілася выстава беларускага фотажурналіста Сяргея Балая "Беларусь у здымках: штодзённае жыццё і глыбей", арганізаваная "Офісам за дэмакратычную Беларусь" у супрацоўніцтве з Сакратарыятам Кіроўчага камітэту Форума грамадзянскай супольнасці "Усходняга партнёрства". Падчас калядна-навагодняй імпрэзы госці мерапрыемства змаглі даведацца пра новую грамадскую  арганізацыю, што будзе спрыяць актыўнай рабоце Форума, і пазнаёміцца з працамі таленавітага беларускага фатографа. 

18 снежня ў Бруселі "Офіс за дэмакратычную Беларусь" адчыніць дзверы выставы фотажурналіста Сяргея Балая "Беларусь у здымках : штодзённае жыццё і глыбей".

Калядна-навагодняя імпрэза — частка праекта ОДБ, накіраванага на папулярызацыю набыткаў беларускай культуры ў Заходняй Еўропе. Ужо ў аўторак Сяргей Балай дапаможа бельгійскай публіцы адкрыць для сябе Беларусь як краіну са старажытнай гісторыяй, падгледзець за жыццём і бытам беларусаў, даведацца пра нашыя традыцыйныя святы і рамёствы. 

Тэкст: Таіса Ганчарук

Самалёт імкліва ўзлятаў, рассякаючы крыламі паветра. Мірна ўладкоўваліся ў крэслах дасведчаныя пасажыры, хтосьці з перасцярогай пазіраў у ілюмінатар. Штуршок. Самалёт выраўнаваў курс. Ух, мы зрабілі гэта!
Таксі нясе нас па ярка асветленай трасе. Вось гэта хуткасць, лепш не буду глядзець на прыборную дошку!  Божа, мы ў Бельгіі! У Б-е-л-ь-г-і-і!  Усяго 1.5 гадзіны таму мы садзіліся на самалёт у Варшаве, 14 гадзін таму - выязджалі з роднага Брэста. Вам верыцца? Добры дзень, Брусель. Мы твае новыя госці, вельмі прыемна.

Тэкст: Павел Абламскі

Такая дзіўная назва не павінна ўводзіць у зман чытача. Таварыства не з’яўляецца нейкай падпольнай структурай, але аб’ядноўвае берасцейскіх школьнікаў, што перамаглі ўжо ў IX конкурсе школьных каманд "Што я ведаю пра Еўропу". Фінал сёлетнега конкурса адбыўся летам у Вільні, дзе ў будынку шведскай амбасады "Таварыства ананімных еўрапейцаў" у бязлітаснай і безкампраміснай барацьбе здабыла перамогу і атрымала права паехаць у еўрапейскую сталіцу.