15-18 сакавіка на запрашэнне “Офіса за дэмакратычную Беларусь” у Бруселі знаходзілася група беларускіх спецыялістаў у галіне навакольнага асяроддзя. Адукацыйная паездка аб’яднала прадстаўнікоў Гродзенскага рэгіянальнага камітэту Міністэрства прыродных рэсурсаў і аховы навакольнага асяроддзя, Міжнароднага дзяржаўнага экалагічнага універсітэта імя Сахарава (Мінск), сяброў беларускіх НПА, што займаюцца праблемамі экалогіі, а таксама прадстаўнікоў бізнес-сектару і СМІ.
У рамках візіту беларускія спецыялісты атрымалі больш шырокае ўяўленне пра палітыку ЕС па ахове навакольнага асяроддзя, даведаліся пра дзейнасць Сусветнага саюза аховы прыроды і яго праграму “Паляпшэння правапрымянення і кіравання ў лясной гаспадарцы”, што ажыццяўляецца ў рамках Еўрапейскай палітыкі добрасуседства з удзелам Беларусі, Азербайджана, Арменіі, Грузіі, Малдовы, Расіі і Украіны. Эксперты з Генеральнага дырэктарата ЕК па даследаваннях распавялі пра ўдзел Беларусі ў навуковых праграмах ЕС і заклікалі пашыраць гэту заангажаванасць, звярнуўшы ўвагу на новы конкурс праектаў, які неўзабаве мусіць быць абвешчаны Еўракамісіяй.
На мінулым тыдні (з 19 па 21 сакавіка) Брусель з адукацыйным візітам наведала група беларускіх экспертаў у пытаннях вышэйшай адукацыі. Беларускія спецыялісты з розных ВНУ сустрэліся з прадстаўнікамі Еўрапейскай камісіі (ЕК) і Еўрапейскага парламента, Выканаўчага агенцтва па пытаннях адукацыі, аўдыё-візуальных сродках і культуры ЕК і Еўрапейскай асацыяцыі па забеспячэнні якасці вышэйшай адукацыі, а таксама здзейснілі азнаямляльны візіт у Маастрыхскі ўніверсітэт у Нідэрландах.
Круглы стол, прысвечаны супрацоўніцтву паміж Еўрапейскім Саюзам і Беларуссю ў галіне вышэйшай адукацыі, прайшоў у Мінску 6 лютага 2010 г. Канферэнцыя дала магчымасць абмеркаваць праграмы ЕС, адкрытыя для Беларусі а таксама дзейныя ў іх рамках праекты. Беларускія эксперты і іх еўрапейскія калегі змаглі абмяняцца думкамі па пытаннях фармальнай і нефармальнай адукацыі, агульнага крызісу універсітэту і неабходнасці рэформы вышэйшай школы, а таксама дыскутавалі пытанне абароны інтэлектуальнай уласнасці ў Беларусі.
Круглый стол, посвященный сотрудничеству между Евросоюзом и Беларусью в области высшего образования, состоялся в Минске 6 февраля 2010 г. Конференция дала возможность обсудить программы ЕС, открытые для Беларуси, а также действующие в их рамках проекты. Белорусские эксперты и их европейские коллеги смогли обменяться мнениями по вопросам формального и неформального образования, общего кризиса университета и необходимости реформ в этой сфере, а также продискутировали вопрос защиты интеллектуальной собственности в Беларуси.
На сённяшні момант удзел Беларусі ў адукацыйных праектах Еўрасаюзу абмежаваны чатырма праграмамі : “Тэмпус”, “Эразмус Мундус”, “Жан Манэ” і “Моладзь у дзеянні”. Аднак і гэтыя сціплыя магчымасці пакуль што не выкарыстоўваюцца напоўніцу. Каб выправіць сітуацыю ў рамках 4-й платформы “Усходняга партнёрства” (“кантакты між людзьмі”) было прынята рашэнне скіраваць частку сродкаў на правядзенне мерапрыемстваў, якія б больш актыўна і шырока інфармавалі пра магчымасці ўдзелу нашай краіны ў агульнаеўрапейскіх адукацыйных ініцыятывах.
14-17 снежня па запрашэнні “Офіса за дэмакратычную Беларусь” (Брусель, Бельгія) сталіцу Еўрасаюзу наведала група экспертаў у галіне навукі і адукацыі. Дэлегацыя, у склад якой увайшлі прадстаўнікі беларускіх ВНУ, бралі ўдзел у праграме “Палітыка ЕС у галіне навукі і адукацыі: дзелімся досведам з Беларуссю”.
23-27 лістапада па запрашэнні «Офіса за дэмакратычную Беларусь» (Брусель, Бельгія) і Фонду развіцця прававых тэхналогій (Кіеў, Украіна) сталіцу Еўрасаюзу наведала група беларускіх экспертаў у галіне навукі і адукацыі. Нашы спецыялісты бралі ўдзел у праграме, што заклікана спрыяць наладжванню і ўмацаванню кантактаў паміж прафесіяналамі з Беларусі і краінамі ЕС, а таксама даваць уяўленне пра механізмы работы еўраінстытутаў. Падчас візіту, беларускія дэлегаты сустрэліся з супрацоўнікамі Еўракамісіі, Рады ЕС і Еўрапарламента, якія працуюць з Беларуссю, у тым ліку і ў пытаннях адукацыі, а таксама наведалі Генцкі універсітэт (Гент, Бельгія).