Аб'явы

Універсітэт Баконі ладзіць конкурс стыпендый на навучанне ў бакалаўрыяце і на бакалаўрска-магістарскай праграме па юрыспрудэнцыі. Стыпендыі адпаведна прадастаўляюцца на 3 акадэмічныя гады навучання ў бакалаўрыяце і на 5 гадоў навучання па праграме ў галіне права.

Памер стыпендыі складае 11 тыс. еўра на год. Заяўкі прымаюцца да 19 сакавіка 2015 года.

Цэнтральны Еўрапейскі ўніверсітэт прапануе доктарскія праграмы на 2015-2016 навучальны год. Дактарантура прапануецца па наступных спецыяльнасцях: эканоміка; філасофія; палітычныя навукі; сацыялогія і сацыяльная антрапалогія; гісторыя Цэнтральнай, Паўднёва-Усходняй і Усходняй Еўропы; гендарныя даследванні; прыкладная матэматыка; даследванне эпохі Сярэднявечча. Таксама прапануецца магчымасць атрымаць доктарскую ступень у галіне права і юрыдычных навук (SJD).

Цэнтральны Еўрапейскі ўніверсітэт (Будапешт, Венгрыя) прапануе 1-2-гадовыя магістарскія праграмы навучання і стыпендыі для студэнтаў, якія маюць ступень бакалаўра.

Заяўкі прымаюцца да 1 лютага 2015 года.

Цэнтр навакольнага асяроддзя Гарвардскага ўніверсітэта запрашае да супрацы над праектамі па экалагічнай праблематыцы. Праграма разлічана на 2 гады, на працягу якіх стыпендыят зможа супрацоўнічаць з любой школай ці дэпартаментам Гарвардскага ўніверсітэта.

Патрабаванне да кандыдатаў - ступень PhD, атрыманая пасля траўня 2011 года (стыпендыяты павінны абараніць дысертацыю да верасня 2015 года). У абаснаваных выпадках вітаюцца таксама кандыдаты без ступені PhD.

Фундацыя "Terra Foundation" прапануе навукова-даследчыя гранты для паездак ў Злучаныя Штаты з мэтай даследавання амерыканскага мастацтва і візуальнай культуры перыяду "да канца 80-х гадоў". Да ўдзелу ў конкурсе грантаў запрашаюцца аспіранты, дактаранты і старэйшыя навукоўцы, якія не з'яўляюцца грамадзянамі ЗША.

Грант можа быць выкарыстаны на пакрыццё транспартных і навукова-даследчых выдаткаў, аплаты пражывання і харчавання падчас знаходжання ў Злучаных Штатах.

Заяўкі кандыдатаў прымаюцца да 15 студзеня 2015 года.

Брытанскае Каралеўскае акварэльнае таварыства праводзіць міжнародны конкурс сярод мастакоў на лепшую працу. Мэта конкурсу - пошук і падтрымка мастакоў, адкрытых творчым эксперыментам з фарбамі на аснове вады (акварэль, гуаш, чарніла і акрыл).

Пераможцы конкурсу прымуць удзел у выставах Каралеўскага акварэльнага таварыства ўвёсну і ўвосень 2015 і атрымаюць грашовы прыз у памеры 500-1 000 фунтаў стэрлінгаў.

Сусветная інфармацыйная агенцыя "Асашыэйтэд прэс" запрашае студэнтаў на 12-тыднёвую стажыроўку "Global News Internship", якая пройдзе ўлетку 2015 года. Адукацыйная праграма разлічана на студэнтаў, якія зацікаўленыя ў журналістыцы крос-фармату. Да ўдзелу запрашаюцца замежнікі: студэнты бакалаўрыята дзённай формы навучання, магістранты і аспіранты, выпускнікі 2014 года.

Стажоры атрымаюць працу ў бюро навінаў пад кантролем прызначанага ментара і будуць асвятляць тэрміновыя навіны, які распаўсюджваюцца ў медыях па ўсім свеце.

МЗС Румыніі сумесна з Міністэрствам адукацыі Румыніі прапануе 85 стыпендый для неграмадзян Еўразвязу для атрымання адукацыі ў 2015-2016 навучальным годзе ў наступных сферах: румынская культура, палітычныя навукі і адміністраванне, педагогіка, журналістыка, тэхнічныя спецыяльнасці, нафта і газ, аграномія, ветэрынарыя, архітэктура, мастацтва, музыка. Навучанне па спецыяльнасцях вядзецца толькі на румынскай мове. Кандыдаты, якія валодаюць мовай, павінны здаць экзамен. Для кандыдатаў, якія не валодаюць румынскай, прадугледжаны бясплатныя моўныя курсы ў адным з універсітэтаў.

Талінскі тэхналагічны ўніверсітэт сумесна з МЗС Эстоніі прапануе "Стыпендыі па супрацоўніцтве ў мэтах развіцця" для студэнтаў з Беларусі. 

Мэта адукацыйнай праграмы - развіццё лічбавых тэхналогій кіравання і пашырэнне ведаў у гэтай галіне.

Стыпендыі прызначаны для студэнтаў, якія валодаюць ангельскай мовай і навучаюцца па наступных спецыяльнасцях: права, эканоміка, дзяржкіраванне, IT і г.д.

14-га, 15-га і 20-га студзеня 2015 года Прадстаўніцтва Еўразвязу ў Беларусі ладзіць ў Мінску, Гомелі і Віцебску інфармацыйныя сустрэчы, прысвечаныя адкрытаму конкурсу праектных заявак для Беларусі ў межах тэматычнай праграмы "Арганізацыі грамадзянскай супольнасці і мясцовыя органы ўлады".

На інфармацыйныя сустрэчы запрашаюцца зацікаўленыя прадстаўнікі грамадзянскай супольнасці, мясцовых дзяржаўных органаў і сродкаў масавай інфармацыі.

Старонкі