Аб'явы

Каледж Еўропы, Універсітэцкі гарадок у Натоліне, Германскі Фонд Маршала ў ЗША і Польска-Амерыканская Фундацыя Свабоды абвяшчаюць набор у Варшаўскую Еўра-Атлантычную летнюю акадэмію. Да ўдзелу запрашаюцца палітолагі, аналітыкі, эксперты, дарадцы, дзяржслужачыя і журналісты з краін "Усходняга партнёрства" (Беларусі, Украіны, Малдовы, Арменіі, Грузіі, Азербайджана), якія цікавяцца пытаннямі еўрапейскай інтэграцыі, працэсамі дзяржаўнай трасфармацыі і трансатлантычнага супрацоўніцтва.

Программа развития ООН в партнёрстве с Министерством экономики Беларуси при финансовой поддержке Европейского союза проводит конкурс местных инициатив в рамках проекта "Содействие развитию на местном уровне в Республике Беларусь". Цель конкурса - поддержка локальных инициатив, направленных на активизацию совместного участия местных органов власти, структур гражданского общества и граждан в решении задач и проблем местного развития.

З 15-га чэрвеня па 7 жніўня 2015 года ва Ўніверсітэце Браўна (ЗША) пройдзе навучанне бакалаўраў па праграме "2015 Summer ICERM: Даследаванні па вылічальнай дынаміцы і тапалогіі". 8-тыднёвая праграма разлічана на даследчую працу студэнтаў у малых групах разам з ментарамі-дарадцамі.

Нямецкі Інстытут падтрымкі маладых журналістаў (IFP) з 19 ліпеня па 7 жніўня 2015 года ладзіць у Мюнхене адукацыйны семінар для маладых журналістаў з Цэнтральнай і Ўсходняй Еўропы. У межах 3-тыднёвага семінару пройдзе трэнінг па ўдасканаленні журналісцкіх навыкаў. Патрабаванне да кандыдатаў - валоданне нямецкай мовай.

Шведскі інстытут прапануе каля 40 стыпендый у межах праграмы "Visby" на 2015-2016 навучальны год для аспірантаў і даследчыкаў з Беларусі, Эстоніі, Грузіі, Латвіі, Літвы, Малдовы, Польшчы, Расіі і Ўкраіны.

Праграма дазваляе навучацца ў дактарантуры ў вышэйшых установах Швецыі і праводзіць навуковыя даследванні па любой дысцыпліне.

Навучанне ў дактарантуры можа ажыццяўляцца цягам 6, 9, 12 месяцаў запар ці падчас некалькіх кароткіх візітаў на працягу 3 гадоў (пры гэтым агульны тэрмін навучання складае 12 месяцаў і на працягу 1 года можна здзейсніць максімум 2 даследчыя візіты).

Праграма дазваляе праводзіць доўгатэрміновыя доктарскія даследаванні (6, 9 і 12 месяцаў), а таксама даступная для навукоўцаў.

Універсітэт Баконі ладзіць конкурс стыпендый на навучанне ў бакалаўрыяце і на бакалаўрска-магістарскай праграме па юрыспрудэнцыі. Стыпендыі адпаведна прадастаўляюцца на 3 акадэмічныя гады навучання ў бакалаўрыяце і на 5 гадоў навучання па праграме ў галіне права.

Памер стыпендыі складае 11 тыс. еўра на год. Заяўкі прымаюцца да 19 сакавіка 2015 года.

Цэнтральны Еўрапейскі ўніверсітэт прапануе доктарскія праграмы на 2015-2016 навучальны год. Дактарантура прапануецца па наступных спецыяльнасцях: эканоміка; філасофія; палітычныя навукі; сацыялогія і сацыяльная антрапалогія; гісторыя Цэнтральнай, Паўднёва-Усходняй і Усходняй Еўропы; гендарныя даследванні; прыкладная матэматыка; даследванне эпохі Сярэднявечча. Таксама прапануецца магчымасць атрымаць доктарскую ступень у галіне права і юрыдычных навук (SJD).

Цэнтральны Еўрапейскі ўніверсітэт (Будапешт, Венгрыя) прапануе 1-2-гадовыя магістарскія праграмы навучання і стыпендыі для студэнтаў, якія маюць ступень бакалаўра.

Заяўкі прымаюцца да 1 лютага 2015 года.

Цэнтр навакольнага асяроддзя Гарвардскага ўніверсітэта запрашае да супрацы над праектамі па экалагічнай праблематыцы. Праграма разлічана на 2 гады, на працягу якіх стыпендыят зможа супрацоўнічаць з любой школай ці дэпартаментам Гарвардскага ўніверсітэта.

Патрабаванне да кандыдатаў - ступень PhD, атрыманая пасля траўня 2011 года (стыпендыяты павінны абараніць дысертацыю да верасня 2015 года). У абаснаваных выпадках вітаюцца таксама кандыдаты без ступені PhD.

Фундацыя "Terra Foundation" прапануе навукова-даследчыя гранты для паездак ў Злучаныя Штаты з мэтай даследавання амерыканскага мастацтва і візуальнай культуры перыяду "да канца 80-х гадоў". Да ўдзелу ў конкурсе грантаў запрашаюцца аспіранты, дактаранты і старэйшыя навукоўцы, якія не з'яўляюцца грамадзянамі ЗША.

Грант можа быць выкарыстаны на пакрыццё транспартных і навукова-даследчых выдаткаў, аплаты пражывання і харчавання падчас знаходжання ў Злучаных Штатах.

Заяўкі кандыдатаў прымаюцца да 15 студзеня 2015 года.

Старонкі