Зімовая школа па паліталогіі (Турцыя)

аўт, 2014-11-25 09:55

Міжнародная асацыяцыя даследчыкаў-палітолагаў (IAPSS) запрашае ў зімовую школу "Турцыя, Еўразвяз і Сярэдні Усход: палітычная трансфармацыя і выклікі для будучай супрацы", якая пройдзе 1-7 лютага 2015 года ў горадзе Сакар’я (Турцыя).

Навучэнцы будуць даследаваць палітычную сітуацыю ў Турцыі, працэсы дэмакратызацыі, трансфармацыі грамадзянскай супольнасці, развіццё эканомікі і міжнародныя зносіны паміж Турцыяй і іншымі краінамі.

Кошт навучання складае 370 еўра і ўключае выдаткі на пражыванне, харчаванне, вучэбныя матэрыялы і г.д. Транспартныя выдаткі ўдзельнікі пакрываюць самастойна.

Для ўдзелу неабходна да 30 лістапада 2014 года падаць заяўку (CV і матывацыйны ліст павінны складаць не болей за 2 старонкі).

Спіс тэмаў даследванняў падчас навучання:

  • Турэцкая палітыка ў трансфармацыі,
  • Развіццё і праблемы турэцкай эканомікі,
  • Турцыя і Еўразвяз,
  • Грамадзянская супольнасць Турцыі,
  • Замежная палітыка Турцыі,
  • Арабская вясна і яе наступствы для рэгіёна.

 

Паводле Adukacyja.info.