Валанцёрства ў Еўрапейскім маладзёжным парламенце, Берлін (Германія)

Еўрапейскі моладзевы парламент шукае двух валанцёраў/к для працы ў міжнародным офісе ў Берліне. Арганізацыі неабходныя валанцёры/кі, якія жадаюць атрымаць прафесійны досвед працы ў міжнароднай НДА. Працягласць стажыроўкі: 6 або 12 месяцаў. Апошні тэрмін падачы анлайн заяўкі - 22 ліпеня 2018.

Валанцёры/кі будуць працаваць у міжнародным офісе Еўрапейскага моладзевага парламента:

• жнівень 2018 (як мага хутчэй) да 31 студзеня 2019 (працягласць 5 - 6 месяцаў);
• жнівень 2018 (як мага хутчэй) да 31 ліпеня 2019 (працягласць 12 месяцаў);
• люты 2019 да студзеня 2020 (працягласць 12 месяцаў).

Асноўныя абавязкі:

• дапамога ў арганізацыі мерапрыемстваў;
• дапамога з камунікатыўнымі заданнямі - праца з сацыяльнымі сеткамі, дапамога ў стварэнні флаераў і брашур;
• падтрымка абмену дадзенымі паміж нацыянальным і камітэтамі парламента;
• дапамога ў каардынацыі трэнінгаў;
• складанне і прагляд справаздач;
• дапамога ў рабоце офіса арганізацыі і іншыя задачы.

Арганізатары прапануюць:

• грант на аплату транспартных выдаткаў;
• 350€ у месяц на кішэнныя расходы;
• бясплатнае пражыванне;
• аплата транспартных выдаткаў па Берліне;
• грант 200€ на моўныя курсы, падручнікі і слоўнікі;
• страхоўка (медыцынская і ад няшчасных выпадкаў);
• магчымасць браць удзел у рэгіянальных трэнінгах.

Патрабаванні да кандыдатаў і кандыдатак:

• добрае веданне англійскай мовы;
• добрыя камунікатыўныя навыкі;
• досвед працы ў офісе;
• наяўнасць каманднага духу;
• добрае веданне Microsoft Office;
• энтузіязм і матывацыя;
• зацікаўленасць мэтамі работы арганізацыі.

Крыніца: eyp.org