Вакансія рэферэнта Праграмы падтрымкі Беларусі

чцв, 2018-03-01 06:39

Прадстаўніцтва грамадска карыснага грамадства з абмежаванай адказнасцю «Internationales Bildungs- und Begegnungswerk gemeinnützige Gesellschaft mit beschränkter Haftung» (Федэратыўная Рэспубліка Германія) у Рэспубліцы Беларусь - некамерцыйная арганізацыя знаходзіцца ў пошуку супрацоўніка - рэферэнт Праграмы падтрымкі Беларусі Федэральнага ўрада Германіі (сацыяльная сфера). Рэзюмэ прымаюцца на адрас [email protected], дэдлайн 20 сакавіка.

Асноўны напрамак дзейнасці праграмы - развіццё шматбаковага супрацоўніцтва, садзейнічанне супрацоўніцтву паміж НДА і органамі дзяржаўнага кіравання, пашырэнне магчымасцяў грамадзянскіх, некамерцыйных арганізацый, якія дзейнічаюць у рамках нямецка-беларускіх партнёрскіх ініцыятыў.

Абавязкі:

  • Падрыхтоўка, арганізацыя і суправаджэнне асноўных мерапрыемстваў і сустрэч.
  • Падрыхтоўка справаздач, пратаколаў і іншай дакументацыі ў адпаведнасці з патрабаваннямі прадстаўніцтва.
  • Падрыхтоўка і папярэдняя праверка фінансавай справаздачнасці праведзеных мерапрыемстваў.
  • Кансультаванне і ўдзел у маніторынгу праектаў у ходзе іх рэалізацыі.
  • Падрыхтоўка інфармацыі неабходнай для падрыхтоўкі выніковай змястоўнай справаздачы Прадстаўніцтва.
  • Удзел у арганізацыі бягучай дзейнасці офіса і выкананне перакладаў.
  • Выкананне іншых задач па даручэнні дырэктара Прадстаўніцтва.


Патрабаванні:

  • Вышэйшая адукацыя, валоданне нямецкай мовай (веданне тэрміналогіі па тэматыцы перакладаў на рускую і нямецкую мову), вітаецца дадаткова веданне англійскай мовы.
  • Вопыт працы не менш за 3 гады.
  • Вопыт працы ў сацыяльнай сферы не менш за адзін год.
  • Валоданне ПК (MS Office, графічныя рэдактары і іншыя праграмы).
  • Веданне асноў справаводства.
  • Высокія арганізатарскія здольнасці і вопыт у правядзенні буйных мерапрыемстваў.
  • Уменне працаваць ва ўмовах шматзадачнасці.
  • Адказнасць, навучальнасць, акуратнасць.
  • Актыўная жыццёвая пазіцыя.
  • Веданне правілаў дзелавых зносін.


Умовы:

  1. праца ў стабільнай і цікавай кампаніі.
  2. магчымасць атрымаць унікальны вопыт.
  3. поўная занятасць.
  4. канкурэнтны ўзровень заробку.
     

Крыніца: ibb-minsk.by