Вакансія міжнароднага сакратара/кі ад РАДА

Беларускі нацыянальны моладзевы савет РАДА адкрывае вакансію менеджара/кі міжнародных праектаў. Патрабуецца рэалізацыя міжнародных праектаў і прадстаўленне справаздач; арганізацыя і каардынацыя замежных паездак, камунікацыя з замежнымі партнёрамі, праца з сяброўскімі арганізацыямі, супрацоўніцтва з еўрапейскімі і міжнароднымі арганізацыямі. Пачатак працы: кастрычнік 2018 года. CV на ангельскай мове трэба даслаць лістом на gensec@rada.fm з тэмай “International Secretary” да 3 верасня 2018.

Патрабаванні да кандыдатаў і кандыдатак:

  • Навыкі і досвед кіравання праектамі;
  • Навыкі фінансавага кіравання;
  • Выдатныя арганізацыйныя навыкі;
  • Выдатныя камунікацыйныя навыкі;
  • Абавязкова выдатнае валоданне пісьмовай і вуснай ангельскай мовай (праца вядзецца на ангельскай мове), веданне іншых замежных моў вітаецца;
  • Добрае валоданне рускай і/або беларускай мовай;
  • Досвед працы ў міжнародных праектах вітаецца;
  • Высокая самаарганізацыя;
  • Здольнасць працаваць самастойна і ў калектыве;
  • Магчымасць ажыццяўляць дзелавыя паездкі (па Беларусі і за яе межамі).


Крыніца: rada.fm