Вакансія каардынатара/кі па нарошчванні патэнцыялу (Мінск-Вільнюс)

Вакансія каардынатара/кі па нарошчванні патэнцыялу ў Беларускі Дом правоў чалавека імя Барыса Звозскава. Месца: Мінск, Беларусь/Вільнюс, Літва. Занятасць: няпоўная, 50%. Рэзюмэ з матывацыяй прымаюцца да 13 траўня 2019 на адрас [email protected].

Абавязкі:

• Распрацоўка канцэпцыі, праграмы, пошук экспертаў_ак і арганізацыя трэнінгаў/семінараў па нарошчванню кампетэнцый;
• Сумесная праца з праектнымі мэнэджэрамі_камі па нарошчванню кампетэнцый ў рамках вядзення праектнай працы;
• Распрацоўка праграмы і рэалізацыя прафесійных трэнінгаў для супрацоўнікаў;
• Распрацоўка крытэрыяў і методыкі правядзення аналітычных даследаванняў. Маніторынг такога даследавання і апрацоўка яго вынікаў;
• Перыядычнае правядзенне апытання і выяўленне патрэбаў у сферы нарошчвання прафесійных кампетэнцый сярод арганізацый грамадзянскай супольнасці Беларусі;
• Фарміраванне новых ідэй і прапаноў для ўзмацнення развіцця і імплементацыі бягучых і новых стратэгічных рашэнняў арганізацыі;
• Дапамога і кансультацыя супрацоўнікам і арганізацыям-партнёрам у пытаннях прыросту і развіцця прафесійных кампетэнцый і аптымізацыі працоўных працэсаў;
• Удзел у распрацоўцы канцэпцый праектнага супрацоўніцтва і вызначэнне індыкатараў эфектыўнасці праектнай дзейнасці.

Патрабаванні да кандыдатаў і кандыдатак:

• Вопыт працы не менш за 2 гады ў сферы працы з арганізацыйнай структурай і персаналам кампаніі, аптымізацыі працэсаў і стратэгіяванні, кіравання зменамі і ведамі ў арганізацыі;
• Вольнае валоданне рускай і беларускай мовай; валоданне ангельскай мовай на высокім узроўні з магчымасцю размаўляць і пісаць вельмі пажадана;
• Высока развітыя аналітычныя навыкі і навыкі арганізацыйнага планавання;
• Эфектыўнае выкарыстанне прыкладанняў Microsoft Office, Word, PowerPoint і Excel;
• Адкрытасць і гатоўнасць да навучання і пастаяннага ўдасканалення.

Крыніца: humanrightshouse.org