Трэнінгавая праграма па Еўрапейскім праве і эканоміцы

Праграма (Рыга, Брусель, Люксембург, 8 красавіка - 27 чэрвеня 2019) была распрацавана для прафесіяналаў/к з краін Еўрапейскай палітыкі суседства, Цэнтральнай Азіі і Заходніх Балканаў. На працягу 12 тыдняў удзельнікі/цы пройдуць інтэнсіўны трэнінг па прававым, эканамічнаму і палітычнаму функцыянаванню Еўрапейскага Саюза. Акрамя таго, праграма ўключае тыднёвую вучэбную паездку ў Брусель і Люксембург для сустрэч з цікавымі асобамі ў Еўрапейскім парламенце, Еўрапейскай камісіі, ЕСЗД, Судзе ЕС і іншых установах ЕС. Апошні тэрмін падачы заяўкі - 29 студзеня 2019.

Арганізатары аплочваюць:

• кошт навучання і матэрыялы;
• транспартныя выдаткі ў Рыгу і назад, уключаючы страхоўку;
• пражыванне ў Рызе;
• транспартныя выдаткі ў Брусель і Люксембург, уключаючы страхоўку;
• пражыванне ў Бруселі і Люксембургу;
• суткавыя для аплаты базавых патрэбаў.

Патрабаванні да кандыдатаў і кандыдатак:

• прымаюцца заяўкі ад прафесіяналаў з грамадскіх арганізацый, НДА, навучальных устаноў, якія маюць не менш 2-х гадоў досведу працы;
• неабходна ведаць англійскую мову
• заяўка падаецца анлайн.

Неабходна падрыхтаваць такія дакументы:

• рэзюмэ
• апісанне пасады і абавязкаў
• матывацыйны ліст
• копіі ўніверсітэцкіх дыпломаў
• рэкамендацыя ад працадаўцы
• пацверджанне веды ангельскай мовы на ўзроўні, дастатковым для навучання.

Крыніца: rgsl.edu.lv