Трэнінг па публічным адміністраванні (Швецыя)

пят, 2014-08-01 11:53

Шведскі інстытут запрашае на трэнінг маладых прафесіяналаў у сферы публічнага адміністравання. Навучанне прысвечана павышэнню транспарэнтнасці ўрада і кантролю за дзяржаўнымі інстытутамі. Трэнінг праводзіцца з 22 верасня па 3 кастрычніка 2014 года ў горадзе Лунд, Швецыя.

Удзельнікі трэнінгу па публічным адміністраванні змогуць ня толькі паглыбіць тэарэтычныя веды, абмяняцца досведам з калегамі, усталяваць новыя кантакты, але і далучыцца да супольнасці Шведскага інстытута, прымаць удзел у яго будучых праграмах.

  Патрабаванні да кандыдатаў:

  • грамадзянства Беларусі, Грузіі, Малдовы ці Украіны,
  • yзрост ад 25 да 35 гадоў,
  • прафесіянальны досвед ў сферы публічнага адміністравання, фінансавага мэнджмэнту і аудыту, альбо навучанне ў магістратуры ў сферы паліталогіі, публічнага кіравання ці журналістыкі,
  • добрае валоданне ангельскай мовай.

 Фінансавыя ўмовы: усе выдаткі (пражыванне, харчаванне, транспарт) пакрываюць арганізатары.
 Дэдлайн – 3 жніўня 2014. Падрабязнасці, умовы і формы заяўкі (стандарты CV, матывацыйнага ліста і інш.) даступныя па спасылцы.

Паводле eng.si.se