Трэнінг для трэнераў у Венгрыі ад Salta-Youth

Рэсурсны цэнтр праграмы Эразмус +  Salta-Youth запрашае на трэніг «Leadership from Inside-out», які адбудзецца 11-17 верасня 2017 г. у Венгрыі . Да ўдзелу запрашаюцца трэнеры, фасілітатары, моладзевыя працаўнікі і лідары, адукатары ды настаўнікі, якія актыўна працуюць з міжнацыянальнымі/міжкультурнымі групамі і маюць жаданне дапамагаць іншым рэалізаваць свой патэнцыял.

Цягам пяці дзён удзельнікаў і ўдзельніц чакае інтэнсіўная праграма, якая дапаможа даведацца пра асноўныя лідарскія і культурныя канцэпцыі ды тэорыі (напрыклад, сітуацыйнае лідарства, тэорыя культурных вымярэнняў Хофстэдэ), а таксама пра звязаныя з імі навыкі (назіранне, зваротная сувязь, актыўны слуханне).

Тэмы трэнігу:
•    тэорыі і канцэпцыі лідарства;
•    што такое вясці ды быць вядомым;
•    групавую дынаміку;
•    давер сярод чальцоў каманды;
•    самаўпэўненнасць і публічныя выступы;
•    міжкультурнае навучанне ды іншыя карысныя рэчы.

Кошты:
•    400 € для удзельнікаў і ўдзельніц, якія маюць аплочваемую працу;
•    360 € для студэнтаў і людзей без аплочваемай працы.

Аплата пакрывае:
•    пражыванне цягам пяці дзён у месцы сусветнай спадчыны UNESCO;
•    харчаванне згодна з вашымі патрэбамі;
•    арэнду памяшкання для трэніга з матэрыялы.
Транспартныя выдаткі, візы і страхоўкі ўдзельнікі аплочваюць самастойна.
Даведацца падрабязнасці і падаць заяўку можна па спасылцы. Скрайні тэрмін падачы – 20 ліпеня 2017 г., разгляд заявак - 21 ліпеня. 
Крыніца: salto-youth.net, adukacyja.info