Трэнінг "Ад ідэі да праекту: метады планавання праектнай дзейнасці"

3 студзеня 2016 года ў Мінску Асамблея няўрадавых дэмакратычных арганізацыяў (Асамблея НДА) арганізуе трэнінг "Ад ідэі да праекту: метады планавання праектнай дзейнасці".

Трэнінг скіраваны на набыццё практычных навыкаў па планаванні праектнай дзейнасці, напісанні і слушным афармленні заявак праектаў.

Час мерапрыемства - з 11 да 19 гадзін.

Удзельнікі трэнінгу навучацца ствараць на аснове ідэі праект, пазнаёмяцца з яго структурай (праблема, мэты, задачы, план дзеянняў, бюджэт, ацэнка вынікаў праекта). Да таго ж актывісты і лідэры няўрадавых арганізацыяў ды ініцыятываў атрымаюць базавую інфармацыю пра існуючыя магчымасці падтрымкі дзейнасці арганізацыяў (фонды, арганізацыі-партнёры і г.д.).

Для ўдзелу ў трэнінгу неабходна зарэгістравацца анлайн.

Колькасьць месцаў абмежаваная. Перавага будзе аддавацца грамадскім лідэрам з рэгіёнаў. Абраным удзельнікам будзе паведамлена пра месца правядзеньня трэнінгу праз электронную пошту.

Апошні дзень рэгістрацыі - 22 снежня 2015 года.

Па дадатковых пытаннях неабходна звяртацца на е-мэйл: [email protected].

Крыніца: BelNGO.info.