Стыпендыяльная праграма Chevening ўрада Вялікабрытаніі на навучанне

Chevening - гэта глабальная стыпендыяльная праграма ўрада Вялікабрытаніі, якая прапануе будучым лідарам і лідаркам унікальную магчымасць вучыцца ў Вялікабрытаніі. Гэтая стыпендыя прысуджаецца выбітным  спецыялістам/кам з усяго свету для атрымання гадавой ступені магістра па любому прадмету ў любым універсітэце Вялікабрытаніі. Стыпендыя пакрывае выдаткі на навучанне ў магістратуры, пражыванне, візу і транспарт. Заяўка падаецца анлайн праз сістэму Chevening. Дэдлайн - 3 лістапада (12:00, GMT).

Chevening прадастаўляе поўныя стыпендыі, што дазваляюць засяродзіцца на дасягненні акадэмічных мэтаў і атрымання незабыўных уражанняў. Вы будзеце жыць і вучыцца ў Вялікабрытаніі на працягу года і за гэты час зможаце развівацца прафесійна і акадэмічна, пашырыце кола зносін і пазнаёміцеся з культурай краіны.

Крыніца: chevening.org