Стыпендыя сусветнай мытнай арганізацыі на навучанне ў Японіі

Стыпендыяльная праграма Japan-WCO Human Resource Development Programme прапануе поўную стыпендыю, якая аплачвае: транспартныя выдаткі, рэгістрацыйны ўзнос, кошт навучання і дазваляе маладым афіцэрам мытні атрымаць дыплом магістра ва ўніверсітэце ў Aoyama Gakuin University Токіо, Японія. Крайні тэрмін падачы заяўкі - 31 снежня 2018.

Стыпендыя аплачвае:

• пражыванне, харчаванне, транспартныя выдаткі і іншыя выдаткі. Не аплочвае выдаткі членаў сям'і стыпендыята;
• адміністрацыйныя ўзносы і кошт навучання;
• авія-пералёт эканом класам у абодва канца.

Патрабаванні да кандыдатаў і кандыдатак:

• падаваць заяўку могуць супрацоўнікі/цы мытнай службы, якія маюць досвед працы не менш за 3 гады;
• кандыдат/кандыдатка павінен быць у добрым здароўі і пажадана не старэйшыя за 40 гадоў (на 1 красавіка 2019);
• пасля заканчэння навучання, кандыдаты/кандыдаткі павінны працягнуць працаваць на мытні ў сваёй роднай краіне (адпрацаваць не менш за 3-х гадоў).

Крыніца: aoyamasmiprp.jp