Стыпендыі ўраду Румыніі для навучання ў 2015-2016 годзе
МЗС Румыніі сумесна з Міністэрствам адукацыі Румыніі прапануе 85 стыпендый для неграмадзян Еўразвязу для атрымання адукацыі ў 2015-2016 навучальным годзе ў наступных сферах: румынская культура, палітычныя навукі і адміністраванне, педагогіка, журналістыка, тэхнічныя спецыяльнасці, нафта і газ, аграномія, ветэрынарыя, архітэктура, мастацтва, музыка. Навучанне па спецыяльнасцях вядзецца толькі на румынскай мове. Кандыдаты, якія валодаюць мовай, павінны здаць экзамен. Для кандыдатаў, якія не валодаюць румынскай, прадугледжаны бясплатныя моўныя курсы ў адным з універсітэтаў.
Стыпендыя ўключае:
- выдаткі на навучанне;
- пражыванне ў інтэрнаце;
- штомесячную фінансавую падтрымку (эквівалент у румынскіх леях) ў памеры: 65 еўра – бакалаўрыят, 75 еўра – магістратура, 85 еўра – дактарантура.
Неабходныя дакументы:
- запоўненая анкета МЗС Румыніі,
- запоўненая анкета Міністэрства адукацыі Румыніі,
- легалізаваныя копіі, апастыль і легалізаваны пераклад на румынскую мову дакументаў, што пацвярджаюць адукацыю (атэстат аб агульнай сярэдняй адукацыі, дыплом аб вышэйшай адукацыі і дадатак да дыплома для магістрантаў і дактарантаў),
- легалізаваныя копія і пераклад пасведчання аб нараджэнні,
- легалізаваная копія ўсіх старонак пашпарту,
- медыцынская даведка,
- рэзюмэ,
- 4 фотаздымкі памеру 3,5 см x 4,5 см.
Дакументы неабходна прадставіць да 28 студзеня 2015 года ў Амбасаду Румыніі ў Беларусі, якая знаходзіцца па адрасе: Мінск, Калінінградскі завулак, 12.
Больш падрабязна пра стыпендыю можна даведацца ў Амбасадзе Румыніі ў Беларусі па тэлефонах: (017) 292 73 99, (017) 292 74 99, альбо на сайце.
Паводле Adukacyja.info.