Стыпендыі для СМІ на ўдзел у канферэнцыі Міжнароднага фонда сельскагаспадарчага развіцця (Рым)

Фундацыя  Thomson Reuters з фінансавай падтрымкай  Міжнароднага фонда сельскагаспадарчага развіцця ААН (IFAD) прапануе стыпендыі для журналістаў друку, вяшчання і анлайн-медыя на ўдзел у трэнінгу і канферэнцыі IFAD ў Рыме (Італія), якая пройдзе 23-26 студзеня 2017 года.

Журналісты пазнаёмяцца з праблематыкай праблем сельскіх супольнасцей, змогуць узяць інтэрв'ю ў дэлегатаў мерапрыемства, экспертаў ААН, фермераў, інш. (Пытанні, якімі займаецца IFAD: беднасць і харчовая бяспека, змяненне клімату, экалогія, да т.п.)

Прымаюцца заяўкі журналістаў, якія на рэгулярнай аснове супрацоўнічаюць з медыяарганізацыямі (Сеціва, друк, ТБ ці радыё).

Патрабаванні да кандыдатаў:

- мінімум 2 гады працоўнага досведу;

- добры ўзровень валодання пісьмовай і вуснай ангельскай мовай.

Кандыдаты мусяць пацвердзіць прафесійны інтарэс да праблем і развіцця сельскіх супольнасцей.

Стыпендыя ўключае выдаткі на авіяпералёты, пражыванне, харчаванне і мясцовы транспарт. Чакаецца, што пасля падзеі ўдзельнікі ў сваіх родных краінах будуць асвятляць праблемы сельскага развіцця.

Дэдллайн - 30 лістапада 2016 года. Падрабязнасці тут.

Паводле IJnet.org