Стыпендыі для навучання ва Ўніверсітэце Лёвэна (Бельгія)

сер, 2017-02-22 14:44

Да 1 сакавіка 2017 г. можна падаць заяўку на атрыманне стыпендыі імя Вільфрэда Мартэнса (Wilfried Martens’) для навучання ў Каталіцкім ўніверсітэце Лёвэна (Бельгія). Фонд імя Вільфрэда Мартэнса падтрымлівае акадэмічную адукацыю і даследаванні, якія сваім фокусам маюць архітэктуру (уладкаванне) Еўрасаюза, еўрапейскую палітыку суседства, развіццё еўрапейскіх партый і фондаў. У сферу інтарэсаў фонда ўваходзяць таксама узаемадачыненні паміж палітыкай і рэлігіяй, праеўрапейскія настроі і памкненні ў краінах Балкан і “Ўсходняга партнёрства”. Фонд прапануе стыпендыі для аплаты магістарскім праграм тэрмінам навучання ў 1 год на ангельскай мове.

Крытэры

  • стыпендыя даступна для кандытатаў з Арменіі, Азербайджана, Беларусі, Грузіі, Малдовы, Украіны, а таксама Албаніі, Босні і Герцыгавіны, Македоніі, Мантэнэгра, Сербіі і Косава;
  • Кандыдаты павінны мець 4 гады ўніверсітэцкай адукацыі (3 бакалаўрыята + 1 магістратуры) або  (4 гады бакалаўрыята з  240 ECTS Credits);
  • быць выпускнікамі факультэтаў паліталогіі, сацыялогіі, права, эканомікі або сучаснай еўрапейскай гісторыі;
  • мець высокую акадэмічную паспяховасць (‘honours’ / ‘distinction’ / Upper Second Class / 3.5 GPA);
  • кандыдаты, чыя родная мова не ангельская, павінны прадставіць доказы яе належнага ведання. Універсітэтам прымацюцца вынікі тэстаў: TOEFL internet-based 100/120 або IELTS 7.0/9.

Стыпендыя пакрывае наступныя выдаткі:

  • пражыванне;
  • аплату навучання;
  • медычную стархоўку ў Бельгіі.

 

Заяўка
Заяўка падаецца анлайн. Файл складаецца з самой формы заяўкі і іншых дакументаў, якія далучаюцца да яе:

  • копіі дыпломаў універсітэта (ў);
  • выпіску (дадатак да дыплома)  з адзнакамі на ангельскай, галандскай, французскай або нямецкай мове з апастылем;
  • афіцыйнае тлумачэнне сістэмы, адзнак, якую выкарыстоўвае Ваша навучальная ўстанова; дакументы, якія даводзяць узровень ведання мовы (i.e. TOEFL/IELTS);
  • матывацыйны ліст (+/- 2 старонкі) для паступлення на магістраскую праграму Еўрапейскай палітыкі і атрымання стыпендыі імя Вільфрэда Мартэнса;
  • рэкамендацыйны ліст;
  • копія пашпарта.

Апошні дзень падачы заявак – 1 сакавіка 2017 г. Больш інфармацыі даступна па гэтай спасылцы.
Па ўсіх дадатковых пытаннях трэба звяртацца на адрас:  [email protected].

Крыніца: soc.kuleuven.be