Стыпендыі Chevening для навучання ў Злучаным Каралеўстве

Брытанскі ўрад прапануе стыпендыю Chevening замежным студэнтам на навучанне ў магістратуры ва ўніверсітэтах Злучанага Каралеўства. У 2017-2018 навучальным годзе стыпендыю атрымаюць каля 1,5 тыс. студэнтаў.

Патрабаванні да кандыдатаў:

- атрымаць пацверджанне свабоднага валодання ангельскай мовай да 13 ліпеня 2017 года;

- быць беларусам і пражываць у Беларусі;

- мець намер вярнуцца ў родную краіну (мінімум на 2 гады пасля заканчэння навучання);

- мець навуковую ступень - адпаведна патрабавання ўніверсітэта пры паступленні;

- прадставіць 2 рэкамендацыі;

- 2 гады досведу ў сваёй сферы (стажыроўкі, валанцёрства, да т.п.);

- падаць заяўкі на 3 навучальныя курсы і атрымаць мінімум адно пацверджанне (да 13 ліпеня 2017 года).

Гэтым разам  выбар тэм навучання не абмяжоўваецца!

Перавага аддаецца кандыдатам з лідарскімі якасцямі, прафесійнымі і акадэмічнымі дасягненнямі ў любой сферы . Вітаюцца тыя, хто плануе жыць у Беларусі, удзельнічаць у развіцці краіны.

Стыпендыя ўключае пакрыццё выдаткаў на вандроўку, кошта навучання, выдаткаў на пражыванне (1 год).

Заяўкі прымаюцца да 8 лістапада 2016 года. Падрабязнасці - тут.

Паводле Adukacyja.info.