Стажыроўкі ў Еўракамісіі (Брусель)

сер, 2015-08-05 15:22

Еўрапейская камісія прапануе 5-месячную стажыроўку з сакавіка па ліпень 2016 года. Стажыроўкі ажыццяўляюцца ў выканаўчых агенцыях і еўрапейскіх інстытутах, у тым ліку ў Еўрапейскай службе знешнепалітычнай дзейнасці і Выканаўчай агенцыі па канурэнтраздольнасці і інавацыях.

Пачатак стажыроўкі - 1 сакавіка 2016 года.

Стажыроўка прадугледжвае штомесячную стыпендыю ў памеры 1 тыс. еўра і кампенсацыю выдаткаў на падарожжа (таксама арганізатары могуць кампенсаваць медыцынскую страхоўку і страхоўку ад няшчасных выпадкаў).

Штогод Еўракамісія прапануе 1,4 тыс. вакансій для стажораў у сферах экалагічнай палітыкі, заканадаўства і інш.

У абавязкі стажораў уваходзяць:

  • арганізацыя сустрэч, удзел у паседжаннях працоўных груп, форумах, публічных слуханнях,
  • даследаванні і дакументацыя (справаздачы), кансультацыі,
  • удзел у праектах.

Стажыроўка дае магчымасць атрымаць новыя веды пра ЕЗ, еўраінстытуты і знешнюю еўрапейскую палітыку, атрымаць практычны досвед і прыняць удзел у штодзённай працы Еўракамісіі, прымяніць тэарэтычныя веды на практыцы.

Патрабаванні да кандыдатаў:

  • выпускнік універсітэта / бакалаўр (мінімум тры гады навучання),
  • добрае веданне ангельскай мовы (альбо французскай ці нямецкай).

Прадугледжаны стажыроўкі для перакладчыкаў у Генеральным дырэктараце па перакладзе (неабходна веданне 2-3-х афіцыйных моў Еўразвязу).

Дэдлайн - поўдзень (па брусельскім часе) 31 жніўня 2015 года.

Каб падаць заяўку, націсніце сюды.

 

Паводле EC.Europa.eu.