Стажыроўка ў Google у Паўднёвай Карэі

чцв, 2018-01-04 10:57

Google прапануе аплачваную стажыроўку для студэнтаў МВА. Стажоры будуць працаваць у рэальных праектах Google і спраўляцца з бізнес заданнямі рознай складанасці. Працягласць стажыроўкі 10-12 тыдняў, дата пачатку і канца стажыроўкі будзе ўстаноўлена індывідуальна для кожнага стажора. Заяўка падаецца анлайн, апошні тэрмін падачы дакументаў - 30 красавіка.

Стажоры стануць сябрамі такіх бізнес-каманд:

  • бізнес стратэгія
  • фінансы
  • маркетынг
  • аперацыі і падтрымка
  • праца з людзьмі
  • менеджмент прадуктаў
  • продаж
  • тэхнічная падтрымка.


Патрабаванні да кандыдатаў і кандыдатак:

  1. павінны навучацца на праграме МВА і атрымаць дыплом у перыяд паміж снежнем 2018 і чэрвенем 2019;
  2. павінны стажыравацца мінімум 10 тыдняў у 2018 годзе ў Сеуле;
  3. патрабуецца валоданне ангельскай і карэйскай мовамі;
  4. неабходна мець вопыт работы 3 гады ў сферы гульняў, мабільнага бізнэсу, каналаў збыту і канкурэнтнага асяроддзя;
  5. павінны цікавіцца мабільнымі прыкладаннямі, гульнямі, мабільнымі тэхналогіямі і мабільным бізнесам у шырокім сэнсе;
  6. неабходныя аналітычныя здольнасці і ўменне спраўляцца са складанымі бізнес задачамі;
  7. навыкі крытычнага мыслення, матывацыя.

 

Крыніца: careers.google.com/jobs