Рэзідэнцкая праграма для творцаў - Міжнародны гарадок мастацтваў / Парыж 2017

Французскі Інстытут і Міністэрства культуры і камунікацый Францыі прапануюць замежным творцам рэзідэнцкую праграму "Міжнародны гарадок мастацтваў / Парыж 2017".

Праграма прызначана для тых творцаў, якія жадаюць здзейсніць навукова-даследчы праект у Парыжы на працягу мінімум 3-х месяцаў. Французскі Інстытут забяспечвае творцаў кватэрай або студыяй у Міжнародным гарадку мастацтваў. Французскія або замежныя культурніцкія арганізацыі ці ўстановы (тэатры, цэнтры мастацтваў, асацыяцыі, інстытуцыі, інш.) мусяць быць здольнымі пакрыць выдаткі лаўрэатаў на пражыванне і/альбо вандроўку. У залежнасці ад запланаванага праекта і партнёрскай культурніцкай арганізацыі рэзідэнцкую праграму можна праходзіць спачатку ў Парыжы, потым у іншым горадзе Францыі, да т.п.

Да ўдзелу запрашаюцца творцы, якія працуюць у наступных сферах:

- архітэктура, ландшафт, урбаністыка;

- вулічныя мастацтвы, цырк, лялькавы тэатр;

- лічбавыя мастацтвы, візуальныя мастацтвы;

- коміксы;

- кіно, фільмы, відэа;

- куратарства праектаў;

- танцы, перформанс;

- дызайн;

- літаратура;

- класічная і сучасная музыка;

- фатаграфія;

- тэатр;

- выяўленчае мастацтва і рамёствы;

-інш.

Заяўкі прымаюцца да канца верасня 2016 года. Падаць заяўку на кандыдатуру творцы могуць французскія ўстановы, аддзелы культуры французскіх амбасад. Поўная інфармацыя - тут.

Паводле CultureCommunication.gouv.fr.