РАДА шукае проджэкт-менеджара(ку)

Беларускі нацыянальны моладзевы савет РАДА шукае проджэкт-менеджара або менеджарку доўгатэрміновай адукацыйнай праграмы для моладзевых арганізацый і ініцыятыў: Акадэмія першых [перазагрузка]! CV з матывацыяй прымаюцца да 15 ліпеня на адрас [email protected]. Адабраныя кандыдаты і кандыдаткі будуць запрошаныя на сумоўе.

Абавязкі:

• вядзенне праграмы ад запуску да справаздачнага перыяду (1,5 года);
• маніторынг праграмы падчас яе рэалізацыі;
• пастаянная камунікацыя з камандай праграмы, а таксама яе ўдзельнікамі і ўдзельніцамі;
• арганізацыя асноўных мерапрыемстваў праграмы;
• падрыхтоўка справаздачы па заканчэнні праграмы.

Каго шукаем:

• абавязковы вопыт працы ў праектнай дзейнасці не меншы за 2 гады;
• веданне моладзевага сектара, асноўных арганізацый і ініцыятыў;
• гнуткасць і здольнасць хутка адаптавацца да сітуацыі;
• стрэсаўстойлівасць і soft skills для працы ў камандзе;
• пажадана веданне англійскай мовы.

Па ўсіх пытаннях пішыце на [email protected].
Крыніца: rada.fm