Прэмія Цёткі для дзіцячых пісьменнікаў і ілюстратараў (Беларусь)

Саюз беларускіх пісьменнікаў, Беларускі ПЭН-цэнтр і дабрачынны фонд "Вяртанне" абвяшчаюць пра пачатак прыёму заявак на атрыманне прэміі Цёткі за найлепшую беларускую кнігу для дзяцей і падлеткаў.

На конкурсе разглядаюцца кнігі, што выйшлі ў свет у 2016 годзе.

Прэмія Цёткі будзе прысуджацца ў 2-х намінацыях:

- аўтару арыгінальнай беларускай кнігі за найлепшы твор для дзяцей і падлеткаў (незалежна ад роду літаратуры: проза, паэзія, драматургія);

- мастаку-ілюстратару кнігі за найлепшае мастацкае афармленне.

Пераможца ў кожнай намінацыі атрымае прэмію ў памеры 2 тыс.$ паводле курсу Нацбанка Беларусі.

Заяўляць кнігі на конкурс могуць:

- выдавецтвы;

- аргкамітэт прэміі Цёткі;

- сябры журы конкурсу;

- сам аўтар-пісьменнік або аўтар-мастак;

- любы зацікаўлены чытач.

Дэдлайн - 31 студзеня 2017 года. Падрабязнасці тут.

Паводле Budzma.by