Праграма прафесійна-культурнага абмену "Community Connections - 2015" (Злучаныя Штаты)

пан, 2014-10-06 16:19

Агенцыя ЗША па міжнароднаму развіццю (USAID) прапануе ўдзельнічаць у конкурсе па праграме прафесійна-культурнага абмену "Community Connections - 2015".

Кандыдаты, абраныя ў выніку конкурса заявак і сумоўя, пройдуць трохтыднёвую стажыроўку ў ЗША, пазнаёмяцца з традыцыямі і культурай гэтай краіны.

Тэмы праграмы "Community Connections - 2015":

  • сацыяльная адаптацыя падлеткаў і моладзі з групаў рызыкі;
  • развіццё паслугаў па кіраванню кар’ерай з мэтай заахвочвання насельніцтва да прадпрымальніцкай дзейнасці;
  • сацыяльнае прадпрымальніцтва;
  • крэатыўныя падыходы да развіцця мясцовых супольнасцяў;
  • асаблівасці арганізацыйнага развіцця грамадскіх арганізацый;
  • павышэнне фінансавай граматнасці насельніцтва.

Тэрмін прыёму заявак асобны для кожнай праграмы. Падрабязнае апісанне кожнай праграмы, патрабаванні да кандыдатаў можна знайсці на сайце Амбасады Злучаных Штатаў у Беларусі. Арганізатары забяспечваюць удзельнікам бясплатны пералёт, пакрываюць выдаткі на страхоўку, прадастаўляюць перакладчыка (веданне ангельскай мовы не патрабуецца). Удзельнікі праграмы будуць жыць у прымаючых сем’ях.

Паводле Adukacyja.info.