Праграма ЕС Youth4Regions для маладых журналістаў і журналістак (Бельгія)

Youth4Regions - гэта праграма Еўрапейскай камісіі, якая дапамагае студэнтам-журналістам і маладым спецыялістам даведацца, што робіць ЕС у іх рэгіёне. У рамках праграмы адбудзецца вучэбная паездка ў Брусэль (Бельгія) з 11 па 16 кастрычніка 2020 года. Камісія пакрывае праезд і пражыванне. Асноўнае харчаванне таксама прадастаўляецца падчас праграмы ў кастрычніку. Дэдлайн падачы анлайн-заявак - 13 ліпеня 2020.

Што прапануе праграма:

• трэнінгі па журналістыцы і рэгіянальнай палітыцы ЕС;
• настаўніцтва ад вядомых журналістаў з вашай краіны;
• магчымасць працаваць бок аб бок з вядомымі журналістамі падчас Тыдня рэгіёнаў ЕС;
• наведванне прэс-цэнтраў ЕС і інстытутаў ЕС;
• магчымасць удзельнічаць у якасці журналіста ў прэс-паездках Еўрапейскай камісіі ў дзяржавы-члены;
• пакрыццё выдаткаў на пражыванне і паездкі.

Патрабаванні да ўдзельніц і ўдзельнікаў праграмы:

• цікавасць да рэгіянальнай палітыцы ЕС і дзейнасці ЕС у вашым рэгіёне;
• вопыт у журналістыцы (вучоба або да 2 гадоў вопыту);
• грамадзянства ЕС або іншай краіны, прынятай у праграму *;
• узрост ад 18 да 30 гадоў.

Крыніца: ec.europa.eu