Поўныя стыпендыі для навучання ў магістратуры ААЭ

чцв, 2017-01-05 16:05

Універсітэт Інстытут Масдара па навуцы і тэхналогіях - Masdar Institute of Science and Technology - Аб’яднаныя Арабскія Эміраты, які займаецца глабальнымі рашэннямі для ўстойлівага развіцця, прапануе стыпендыяльную праграму для замежных студэнтаў для навучання ў магістратуры ці аспірантуры. Заяўкі можна падаваць да 31 траўня 2017 г.  Навучанне вядзецца на ангельскай мове.

Стыпендыяльная праграма пардугледжвае:

  • поўную аплату навучання;
  • неабходныя падручнікі;
  • выдачу планшэту;
  • аплату пражывання;
  • штомесчную стыпендыю;
  • аплату медыцынскай страхоўкі,
  • кампенсацыя кошту тэстаўTOEFL, GRE;
  • аплату пералёту дадому адзін раз на год, калі гэта неабходна.


Для паступлення ў магістратуру ахвотныя кандыдаты і кандыдаткі мусяць:

  • мець ступень бакалаўра ў адной з абласцей навукі, інжынерынга ці IT (ступень павінна быць атрымана ў акрэдытаваным універсітэце);
  • мець вынік CGPA не ніжэй за 3,0 (калі максімум складае 4,0), або эквівалент;
  • GRE не меней як 155 (700 па старой сістэме ацэнкі);
  • TOEFL не меней 91 (iBT), або эквівалент па пісьмовым /здадзеным на кампутары тэсце, IELTS не меней як 6,5;
  • 3 рэкамендацыйныя лісты;
  • матывацыйны ліст.


Для пступлення ў аспірантуру неабходна:

•   мець ступень магістра ў навуцы, інжынерынгу, або IT (ступень мусіць быць атрымана ў акрэдытаваным універсітэце);
•  мець вынік CGPA не ніжэй за 3,0 (калі максімум складае 4,0), або эквівалент у часе навучання ў бакалаўрыяце і мець CGPA не ніжэй за 3,2 у часе навучання ў магістратуры;
•    GRE не меней за 155 (700 па старой сістэме ацэнкі);
•   TOEFL не менш за 91 (iBT), або эквівалент па пісьмовым /здадзеным на кампутары тэсце, IELTS не меней як 6,5;
•    3 рэкамендацыйныя лісты;
•    матывацыйны ліст;
•    праект даследавання.

Заяўка падаецца анлайн.  Спіс неабхожных дакументаў:

  1. копіі дыпломаў і выпіскі з адзнакамі;
  2. матывацыйны ліст;
  3. праект даследавання;
  4. вынікі тэстаў на веданне ангельскай мовы і GRE;
  5. CV;
  6. фотаздымак пашпартнага памеру (фармата JPEG не цяжэй за 100К);
  7. імёны і адрасы электроннай пошты 3 чалавек, якія могуць даць рэкамендацыйныя лісты.

 Крыніца: www.masdar.ac.ae