Поўныя стыпендыі для навучання ў англамоўнай магістратуры ў Боне (Германія)

Універсітэт Бона (Германія) прапануе 8 поўных стыпендый для навучання на ангельскай мове студэнтам з краін, якія развіваюцца. Стыпендыю можна атрымаць па праграме  Сумеснай праграмы магістра  навук Joint Master of Science (M.Sc.) — “Геаграфія рызык навакольнага асяроддзя і бяспека чалавека”.
Мэта праграмы – спрыянне міжкультурнаму абмену, якое дазволіць студэнтам зрабіць свой унёсак ва ўстойлівае развіццё родных краін, ужываючы веды, атрыманыя ў часе навучання ў магістратуры ўніверсітэта Бона. Навучанне будзе праходзіць на ангельскай мове. Дэдлайн - 15 студзеня 2017 г.

Патрабаванні да кандыдатаў
Паступіць на навучанне і атрымаць поўную стыпендыю змогуць студэнты, якія:
•    маюць ступень бакалаўра па геаграфіі або змежных дысцыплінах;
•    маюць не менш за два гады працоўнага досведу;
•    атрымалі ступень бакалаўра не пазней як за 5 год да паступлення на праграму;
•    выдатна валодаюць ангельскай мовай;
•    моцна жадаюць паўплываць на кіраванне рызыкамі, звязанымі са зменамі навакольнага асяроддзя;
•    могуць навучацца ў полікультурнным і міждысцыплінарным асяроддзі.

Увага! Студэнты і студэнкі, якія ўжо маюць ступень магістра ў адной са змежных  з праграмай дысцыплін, не могуць удзельнічаць у конкурсе.

Каб паступіць у магістратуру кандыдаты і кандыдаткі павінны падаць наступныя дакументы:

заяўку;
•   CV;
•   Афіцыйны транскрып з адзнакамі (з перакладам на ангельскую мову);
•   матывацыйны ліст;
•   вынікі аднаго з тэстаў на веданне анегельскай мовы;
•   копію кваліфікацыйнай або дыпломнай працы (на ангельскай мове);
•   дадатковыя дакументы (сертыфікаты аб досведзе працы, рэкамендацыйныя лісты, дадатковыя выпіскі з адзнакамі).
Усе дакументы неабходна адсканаваць і адаслаць у адным pdf-файле, які не павінен перавышаь 8 Mг на паштовую скрыню: master-georisk@ehs.unu.edu.
Больш падрабязна чытайце на сайце праграмы.

Паводле: ehs.unu.edu