Постсавецкая дэмадэрнізацыя. Лекцыя Міхаіла Мінакова (Мінск)

пан, 2016-04-04 14:37

7 красавіка 2016 года ў Мінску ў межах праекту "Еўрапейскае кафе - адкрытая прастора Еўропы" пройдзе лекцыя палітычнага філосафа і выкладчыка Кіева-Магілянскай акадэміі (Украіна) Міхаіла Мінакова "Постсавецкая дэмадэрнізацыя: ці ёсць шанец выбрацца з "каляіны"?".

Тэмы лекцыі:

- Якая роля Беларусі на постсавецкай прасторы?

- Ці ёсць шанец сацыяльнай мадэрнізацыі ў Беларусі, Украіне і Расіі?

- "Ці можна вырвацца з "гістарычнай каляіны"?

Аўтар лекцыі аналізуе гістарычныя перамены, якія адбываліся на прасторах былога Савецкага Саюзу, у палітыцы, эканоміцы, грамадскім, рэлігійным і культурніцкім жыцці, распавядае пра чаканні 1990-х і свет 2010-х.

Пасля лекцыі прадугледжана дыскусія. Задаць пытанне лектару можна на гэтай старонцы.

Мерапрыемства пройдзе па адрасе: Мінск, пр. Дзяржынскага, 57, Галерэя TUT.BY (9-ты паверх).

Пачатак - а 19-й гадзіне.

Уваход вольны. Падрабязнасці - тут. Старонка мерапрыемства на Фэйсбуку.

 

Паводле EuroCafe.by.