Моладзевы семінар у Сеуле (Паўднёвая Карэя)

чцв, 2019-02-28 09:11

Цэнтр Asia-Pacific Centre of Education for International Understanding арганізоўвае моладзевы семінар «Глабальная грамадзянская адукацыя» 3-9 ліпеня 2019, Сеул. Арганізатары пакрываюць усе выдаткі. Заяўкі прымаюцца анлайн да 31 сакавіка 2019.

Тыднёвы семінар накіраваны на стварэнне патэнцыялу моладзевага лідара(кі) з любога кутка свету, вызначэнне стратэгіі дасягнення мэтаў у галіне ўстойлівага развіцця (у прыватнасці мэта 4.7) і рэалізацыі інавацыйных ініцыятываў па ўмацаванні глабальнага грамадзянства і правоў чалавека.

Падчас семінара ўдзельнікі і ўдзельніцы вызначаць канкрэтныя прыярытэтныя пытанні, якія маюць дачыненне да глабальнага грамадзянстве і планы па развіцці глабальнага грамадзянства. Працуючы ў групах і індывідуальна ўдзельнікі і ўдзельніцы распрацуюць мэты і стратэгіі працы на нацыянальным і мясцовым узроўні.

Арганізатары аплочваюць:

  • пражыванне
  • харчаванне
  • транспарт па месцы
  • кошт авія-пералёту ў абодва канца
  • сертыфікаты па заканчэнні праграмы.

 

Патрабаванні да кандыдатаў і кандыдатак:

  • моладзь узростам 19 - 28 гадоў (1991 і 2000 года нараджэння);
  • неабходна ведаць ангельскую мову;
  • неабходна прайсці анлайн падрыхтоўчы курс.

 

Крыніца: unescoapceiu.org