MOFCOM - стыпендыя ўрада Кітая замежным студэнтам і студэнткам

Стыпендыя MOFCOM заснавана Міністэрствам гандлю Кітайскай Народнай Рэспублікі для ўмацавання сувязяў і супрацоўніцтва паміж Кітаем і іншымі краінамі. Стыпендыю можна атрымаць для навучання ў магістратуры (2-3 гады) або ў аспірантуры (3-4 гады). Стыпендыяты і стыпендыяткі могуць падаць заяўку на навучанне ў магістратуры на англійскай мове. Заяўкі прымаюцца да 30 кастрычніка 2019.

Але калі сярод даступных праграм ёсць толькі праграмы на кітайскім, студэнты/кі павінны вывучыць кітайскую мову на працягу 1-2 год да пачатку навучання ў магістратуры/аспірантуры.

У рамках стыпендыяльнай праграмы пакрываюцца:

  • кошт навучання
  • пражыванне ў кампусе ўніверсітэту
  • стыпендыя - студэнтам/кам магістратуры ў раёне 450$, студэнтам/кам аспірантуры ў раёне 520 $
  • медыцынская страхоўка
  • авія-пералёт у абодва канца.

 

Патрабаванні да кандыдатаў і кандыдатак:

  • прымаюцца заяўкі ад грамадзян усіх краін, акрамя Кітая;
  • неабходна мець дыплом бакалаўра для навучання ў магістратуры і дыплом магістра для навучання ў аспірантуры;
  • кандыдаты павінны быць не старэйшыя за 45 гадоў;
  • неабходна ведаць англійскую (IETS 6.0) або кітайскі (HSK level 4 (score180) мову.

 

Дакументы:

  • сканкопія або фотакопія дыплома;
  • сканкопія або фотакопія ведамасці з ацэнкамі;
  • план навучання або даследаванні (не менш за 400 слоў);
  • сканкопія або фотакопія тэсту, які пацвярджае ўзровень валодання мовай;
  • сканкопія або фотакопія пашпарта.

 

Крыніца: cscscholarship.org