Міжнародная даследчая праграма Ельскага ўніверсітэта (ЗША)

Студэнты аспірантуры і выпускнікі магістратуры могуць скарыстацца ўнікальным шанцам і падаць заяўку на ўдзел ў міжнароднай даследчай праграме Fox Fellowship Ельскага ўніверсітэта (Yale University). Мэта праграмы – паглыбленне ўзаемаразумення паміж грамадзянамі ЗША і іншых краін праз прафесійны абмен і супрацоўніцтва паміж навуковымі лідарамі новага пакалення па шырокім коле тэм.

Арганізатары цалкам кампенсуюць наступныя выдаткі:
•    авія-пералёт у ЗША і на радзіму;
•    пражыванне;
•    медыцынскую страхоўку;
•    штомесячную стыпендыю на аплату выдаткаў і пражывання;
•  таксама ўдзельнікі праграмы могуць зрабіць запыт на дадатковы грант для аплаты транспартных выдаткаў, звязаных з іх даследчым праектам.

У праграме могуць удзельнічаць студэнты і студэнткі:
•    універсітэтаў-партнёраў;
•    аспірантуры і выпускнікі магістратуры, а таксама тыя, хто ўжо мае ступень кандыдата навук;
•  студэнты, якія дэманструюць сур’ёзны падыход да даследчых праектаў і паказалі добрыя вынікі ў правядзенні даследчай працы ў тых абласцях, што блізкія да праграмы Fox Fellowship;
•    маюць добры ўзровень валодання ангельскай мовай;
•    маюць выдатныя акадэмічныя поспехі.
Ахвотныя мусяць падаць да разгляду даследчы праект з акцэнтам на адну з такіх дысцыплін, як: міжнародныя адносіны, ахова здароўя, навакольнае асяроддзе, бізнес і фінансы, сацыяльныя навукі, эканоміка, палітычныя навукі, правазнаўства, гісторыя.

Дакументы, неабходныя для падачы:
•    кантактная інфармацыя кандыдата (-ткі) (імя, адрас, пол, праграма, па якой навучаецца кандыдат і дата заканчэння навучання);
•    CV;
•  кароткі план даследавання, і як гэты даследчы праект звязаны са сферай дзейнасці і інтарэсамі праграмы FoxFellowship (не больш за 3 старонкі);
•    эсэ, дзе неабходна пазначыць досвед працы і планы кандыдата (-ткі), не больш за 3 старонкі;
•    2 рэкамендацыйныя лісты;
•    афіцыйную выпіску з адзнакамі;
•    вынікі аднаго з тэстаў на веданне мовы (TOEFL, IELST).
Неабходныя дакументы і патрабаванні могуць быць рознымі ў розных універсітэтах-партнёрах. Адрозніваюцца і апошнія тэрміны падычы, таму ўсю інфармацыю варта ўдакладняць на афіцыйным сайце арганізатара.

Крыніца: foxfellowship.yale.edu