Летняя школа ў Будапешце (Венгрыя)

Летняя школа Antall József Summer School пройдзе ў Будапешце з 2 па 13 ліпеня 2018. Школа ўяўляе сабой двухтыднёвую адукацыйную праграму, у цэнтры якой ляжыць важнае супрацоўніцтва паміж краінамі Цэнтральнай Еўропы і краінамі Вышаградскай групы. Арганізатары прапануюць усім удзельнікам і ўдзельніцам стыпендыю: аплату транспартных выдаткаў, пражывання, навучання і ўдзелу ў мерапрыемствах, двухразовага харчавання. Самастойна неабходна будзе аплаціць візу і страхоўку. Апошні тэрмін падачы заяўкі - 19 красавіка.

Рэгістрацыя ў школе платная, плата складае 80€. Аплаціць рэгістрацыйны ўзнос павінны толькі тыя ўдзельнікі і ўдзельніцы, якіх залічылі ў школу.

На школе будуць дэталёва разгледжаны многія аспекты гэтага супрацоўніцтва: гісторыя, знешняя палітыка, палітыка бяспекі, эканамічная палітыка, энергетычная палітыка, інавацыі, культура і турызм, устойлівасць. Усе гэтыя пытанні будуць разгледжаны пры дапамозе лекцый, семінараў, дэбатаў і дыскусій.

Патрабаванні да кандыдатаў і кандыдатак:

• Кандыдаты з краін V4, у тым ліку Беларусь;
• Узроставае абмежаванне 21 - 35 гадоў;

• Валоданне англійскай мовай.

Для ўдзелу ў школе неабходна:

• запоўніць анлайн заяўку;
• рэзюмэ (1 старонка);
• рэкамендацыйны ліст (па-ангельску, напісаны прадстаўніком факультэта, або працадаўцам);
• пацвярджэнне ведаў ангельскай мовы.

Крыніца: ajsummerschool.com