Летняя школа па рынкавай гаспадарцы (Літва)

Еўрапейская даследчая асацыяцыя "Oikonomos" праводзіць летнюю школу для выкладчыкаў і экспертаў на тэму "Сацыяльная рынкавая гаспадарка як мэта для Беларусі".

Школа скіравана на паглыбленне і сістэматызацыю ведаў пра рэфармаванне планавай эканомікі, пабудову сацыяльнай рынкавай гаспадаркі на прыкладах досвведу Германіі, Польшчы і Літвы.

Навучанне пройдзе 8-11 ліпеня 2015 года у Вільнюсе (Літва).

Да ўдзелу запрашаюцца выкладчыкі эканамічных спецыяльнасцяў, аспіранты, а таксама эксперты эканамічнай сферы.

Арганізатары забяспечваюць удзельнікам пражыванне, харчаванне і кампенсацыю транспартных выдаткаў.

Дэдлайн падачы заявак - 4 чэрвеня 2015 года. Падрабязная інфармацыя пра ўмовы падачы заявак размешчана тут.

Паводле Adukacyja.info.