Летнія школы славістыкі ў Чэхіі

сер, 2015-03-25 10:18

Універсітэты Чэхіі ладзяць набор навучэнцаў у летнія школы славістыкі.

Курсы прызначаюцца для замежных студэнтаў, педагогаў, вусных і пісьмовых перакладчыкаў і акадэмічных працаўнікоў у галіне багемістыкі і славістыкі, аднак адкрытыя і ўсім зацікаўленым чэшскай мовай, літаратурай, гісторыяй і культурай.

Летнія школы славістыкі ладзяць наступныя ўніверсітэты:

  • Паўднёвачэшскі ўніверсітэт у Чэшскіх Будзеёвіцах,
  • Масарыкаў універсітэт у Брно,
  • Карлаў універсітэт у Празе,
  • Універсітэт Палацкага ў Аламоўцы,
  • Інстытут моўнай і прафесійнай падрыхтоўкі ў Падзебрадах – адукацыйны цэнтр пры Карлавым універсітэце ў Празе,
  • Заходнечэшскі ўніверсітэт у горадзе Пльзэнь.

У межах адукацыйных праграмаў універсітэты прапануюць курсы чэшскай мовы розных узроўняў, семінары па чэшскай літаратуры, культуры і гісторыі, тэатральныя, музычныя і танцавальныя мерапрыемствы, экскурсіі і пазнавальныя паездкі.

Працягласць курсаў складае 2-4 тыдні, тэрмін правядзення - з ліпеня па верасень 2015 года. Удзел у школах платны, магчыма атрыманне стыпендыі.

Дэдлайн падачы заявак асобны для кожнай праграмы. Дакладная інфармацыя знаходзіцца тут.

Паводле Adukacyja.info.