Лекцыя пра лічбавы актывізм і новую культуру пратэсту (Мінск)

чцв, 2015-12-03 15:48

7 снежня 2015 года ў Мінску ў межах праекту "Еўрапейскае кафэ - адкрытая прастора Еўропы" італьянскі сацыёлаг і палітолаг Паала Гербаўда выступіць з лекцыяй "Лічбавы актывізм і новая культура пратэсту".

Эксперт даследуе сучасны лічбавы актывізм і лічбавую палітыку і напісаў, у прыватнасці, кнігу "Твіты і вуліцы: сацыяльныя медыі і сучасны актывізм". Паала Гербаўда з'яўляецца дырэктарам Цэнтра лічбавай культуры і кіраўніком праграмы бакалаўрыята па лічбавай культуры ў Каралеўскім каледжы Лондана.

Сацыяльныя медыі выступаюць як сродак дыялогу, самаарганізацыі і мабілізацыі. З іх дапамогай прасоўваліся ідэі эканамічнай роўнасці і дэмакратыі падчас акцыі "Occupy Wall-Streеt" у Нью-Ёрку, падчас рэвалюцыі 2011-га года ў Егіпце і г.д.

Эксперт разглядае сацыяльныя медыя як месца скрыжавання інтарэсаў розных бакоў: карпарацыяў, урадаў, звычайных карыстальнікаў і актывістаў.

Лектар даследуе дзеянні людзей у межах лічбавага актывізму і вывучае, як распаўсюд сацыяльных медыя змяняе структуры палітычнай арганізацыі, формы лідарства і ўдзелу.

Пачатак лекцыі - у 18:30. Уваход вольны.

Адрас: Мінск, вул. Фабрыцыюса, 4, бізнэс-клуб "Imaguru". Старонка мерапрыемства на Фэйсбуку. Падрабязная інфармацыя пра лекцыю - тут.

 

Паводле Eurocafe.by.