Конкурс Свет дзяцей 2018 - Намінуй героя (грант 50000$)

Адкрыты набор кандыдатаў на ўзнагароджанне ў конкурсе Свет дзяцей 2018 - Намінуй героя. Арганізатары забяспечваюць фінансаванне і прызнанне тым, хто працуе над змяненнем жыцця дзяцей ва ўсім свеце. Арганізатары шукаюць самых выбітных кандыдатаў для ўзнагароджання. Цырымонія ўзнагароджання адбудзецца ў Нью-Ёрку 1 лістапада 2018. Арганізатары аплочваюць размяшчэнне і транспартныя выдаткі ўсім намінантам. Апошні тэрмін падачы заяўкі - 31 сакавіка.

Арганізатары заснавалі такія намінацыі для ўзнагароджання:

• Абарона - мінімальны грант - 50 000 $
• Адукацыя - мінімальны грант - 50 000 $
• Медыцына - мінімальны грант - 50 000 $
• Гуманітарная прэмія - мінімальны грант - 50 000 $
• Маладзёжная прэмія- мінімальны грант - 25 000 $ (катэгорыя для кандыдатаў, якім яшчэ не споўнілася 21 і якія дапамагаюць іншым прадстаўнікам моладзі)

Патрабаванні да кандыдатаў і кандыдатак:

1. павінны ведаць што яны сярод намінантаў;
2. павінны прыехаць на ўзнагароджанне ў Нью-Ёрк 1 лістапада 2018.
3. могуць быць намінаваныя на толькі адну прэмію.
4. павінны прадстаўляць некамерцыйную, альбо створаную не для прыбытку, альбо дабрачынную арганізацыю.
5. намінант павінен быць заснавальнікам, сузаснавальнікам або кіруючым дырэктарам арганізацыі.
6. арганізацыя павінна займацца дапамогай дзецям.
7. толькі адзін чалавек ад арганізацыі можа ўдзельнічаць у конкурсе.
8. свет дзяцей выключае якую-небудзь працу, праведзеную спецыяльна для прасоўвання якой-небудзь рэлігіі, або палітычнай пазіцыі.
9. арганізацыя, якая намінуецца на ўзнагароду ў сферы адукацыі, медыцыны, абароны, гуманітарную ўзнагароду, павінна займацца працай у гэтай сферы не менш за 10 гадоў.
10. асобы, якія намінуюцца на ўзнагароду ў сферы адукацыі, медыцыны, абароны, гуманітарную ўзнагароду, павінны займацца працай у гэтай сферы ў іх арганізацыі не менш за 10 гадоў.

Заяўку можна падаць на сайце арганізатараў конкурсу.

Крыніца: nominations.worldofchildren.org