Конкурс стыпендый на правядзенне журналісцкіх расследаванняў

Да ўвагі журналістаў і рэдактараў беларускіх СМІ.

Школа журналістыкі Мінскага міжнароднага адукацыйнага цэнтра імя Ёханеса Раў (IBB) у партнёрстве з Дортмудскім міжнародным адукацыйным цэнтрам за падтрымкай МЗС Германіі запрашае журналістаў беларускіх СМІ да ўдзелу ў конкурсе заявак на правядзенне журналістцкіх расследаванняў па сацыяльнай тэматыцы і падтрыхтоўцы публікацый па іх выніках. Расследаванне можна праводзіць  на тэрыторыі Беларусі, Польшчы Германіі і краін Балтыі.

Для каго?
Да ўдзелу запрашаюцца журналісты нацыянальных ды рэгіянальных СМІ ўсіх форм уласнасці.
 

Як падаць заяўку?
Для ўдзелу ў конкурсе неабходна падаць анлайн-заяўку не пазней за 17:00 25 жніўня 2017 г. (заяўкі, зарэгістраваныя пазней за абазначаны тэрмін, разглядацца НЕ будуць!)
Заяўка павінна ўтрымліваць:
-    имя і кантакты – адрас, мабільны тэлэфон, адрас электроннай пошты.
-    Ваша CV (рэзюмэ);
-    кароткае апісанне Вашай тэмы і значнасць артыкула/расследавання;
-    меркаваны дэдлайн рэалізацыі расследавання
-    меркаванае беларускае СМІ для публікацыі;
-    падрабязна распісаны бюджэт.
 
Крытэры адбору:

1.    актуальнасць і значнасць тэмы;
2.    новы ракурс тэмы для беларускіх сродкаў масавай інфармацыі; 
3.    Заяўнік мае дакладнае ўяўленне пра тое, як рэалізаваць расследаванне;
4.    падрабязна распісаны бюджэт і яго абаснаванне;
5.    падрабязна распісаны план расследавання, кантакты, дакладныя тэрміны публікацыі;
6.    наяўнасць СМІ, дзе будзе апублікавана расследаванне;
7.    дэдлайн рэалізацыі і публікацыі расследавання не пазней за 1 снежня 2017 г.
 

Перавага будзе аддавацца праектам, тэматыка каторых важная для беларускага грамадства, аднак пакуль не дастаткова шырока прысутная ў беларускім медыяландшафце. Меркаваны праект можа быць транспамежным, разам з тым рэлевантным менавіта для беларускага грамадства.
 

Заяўкі будзе разглядаць кампетэнтнае журы, куды ўвойдуць прадстаўнікі  розных журналіскіх арганізацый. Вынікі конкурсу будуць абвешчаны не пазней за 4 верасня 2017 г.
Максімальны памер фінансавання складае 500 еўра ў рублёвым эквіваленце. Па дадатковых пытаннях варта звяртацца па тэлефоне: +375 17 207 49 72 або адрасе сеціўнай пошты [email protected].
Крыніца: