Конкурс "One World Media Award" для журналістаў

У конкурсе "One World Media Award" могуць удзельнічаць журналісты з усяго свету. Кандыдаты мусяць даслаць матэрыялы, якія былі апублікаваны ці выйшлі ў эфір ў Брытаніі альбо на міжнародным ўзроўні/для міжнароднай аўдыторыі.

Пераможцамі конкурсу стануць журналісты, якія распавялі малавядомыя гісторыі, што не знайшлі шырокага асвятлення ў прэсе, з грамадскага, палітычнага, культурнага жыцця на постсавецкай прасторы, на Блізкім Усходзе, у Азіі, Афрыцы, краінах Карыбскага басейна, Лацінскай Амерыцы.

Конкурсныя працы мусяць быць апублікаванымі/выйсці ў эфір у перыяд з 5 лютага 2015 года па 4 лютага 2016 года.

У конкурсе 15 намінацый, сярод якіх:

• журналіст года,
• дакументалістыка (спонсар намінацыі - "Bertha Foundation"),
• радыё,
• тэлебачанне (спонсар намінацыі - Еўрапейскі банк рэканструкцыі і развіцця),
• лічбавыя медыя (намінацыю спансуе Google),
• навіны,
• асвятленне тэмы карупцыі (спонсар намінацыі - арганізацыя "Transparency International"),
• асвятленне тэмы ўцекачоў (спонсар намінацыі - арганізацыя "Брытанскі Чырвоны Крыж"),
• правы жанчын у Афрыцы (намінацыю спансуе "Афрыканскі банк развіцця"),
• спецыяльная ўзнагарода для незалежных медыя з развіваючыхся краін (спонсар намінацыі - CNN)?
• кароткаметражны фільм (да 25 хвілін) і інш.

Дэдлайн - 4 лютага 2016 года. Падрабязная інфармацыя пра ўмовы ўдзелу - на гэтай старонцы.

Паводле Ijnet.org.