Конкурс на гранты «Пасольскі фонд захавання культурнай спадчыны»

Амбасада Злучаных Штатаў Амерыкі ў Беларусі прымае заяўкі на гранты «Пасольскага фонду захавання культурнай спадчыны». У конкурсе могуць прымаць удзел беларускія няўрадавыя арганізацыі, установы культуры, музеі і г.д. Неабходна падаць заяўку, складзеную на англійскай і беларускай цi рускай мовах згодна з наступнымі інструкцыямі, на электронны адрас [email protected] з пазнакай «AFCP» не пазней за 23 лістапада 2018 года.

Гэтая прэстыжная праграма ўрада ЗША з 2001 года дае фінансавую падтрымку праектам па ахове культурных каштоўнасцяў.

Гранты выдзяляюцца на праекты ў такіх сферах як:

• рэстаўрацыя гістарычных будынкаў;
• ацэнка і кансервацыя музейных калекцый;
• захаванне месцаў археалагічных раскопак;
• захаванне традыцыйных рамёстваў, песеннай і харэаграфічнай спадчыны, што знаходзяцца пад пагрозай знікнення;
• паляпшэнне ўмоваў захоўвання архіваў, манускрыптаў і дакументаў на мясцовых мовах.

Па дадатковую інфармацыю можна звяртацца ў Аддзел інфармацыі, адукацыі і культуры Амбасады ЗША  па тэлефоне (017) 210-12-83 (5604).

Крыніца: by.usembassy.gov