Конкурс на атрыманне прэміі European Youth

Актыўныя студэнты і моладзь ва ўзросце да 30 год з краін Рады Еўропы, Беларусі і Косава могуць удзельнічаць у конкурсе на атрыманне прэміі European Youth.

Канкурсанты мусяць даслаць прапановы праектаў у адной з васьмі катэгорый:

- здаровы лад жыцця (харчаванне, ахова здароўя, медыцынскія тэхналогіі),

- сучасная адукацыя (навучанне, лічбавыя навыкі, інфармацыйна-забаўляльныя праграмы),

- культурніцкія сувязі (мова, вандроўкі, разнастайнасць, новыя супольнасці),

- "будзь зялёным" (устойлівая энергетыка, мабільнасць, разумныя гарады, змяненне клімату),

- актыўная грамадзянскасць (грамадзянская журналістыка, грамадская згуртаванасць, правы чалавека, пашырэнне правоў і магчымасцей жанчын/мужчын),

- фінансы (фінансавая пісьменнасць, працаўладкаванне, фандрайзінг, фінансавыя тэхналогіі),

- наватарства/інавацыі (рэвалюцыйныя прыстасаванні, забавы, лічбавая магія, да т.п.),

- спецыяльная катэгорыя 2016 года (міграцыя, інтэграцыя, інклюзія, рух уцекачоў).

Узнагароды атрымаюць тры пераможцы у кожнай катэгорыі. Дэдлайн - 15 ліпеня 2016 года. Падрабязная інфармацыя - тут.

Паводле NGO.by.