Конкурс эсэ Лідар заўтрашняга дня «Leader of Toмоrrow» (Швейцарыя)

Выдатная магчымасць для моладзі пазмагацца за ўзнагароду St. Gallen Wings of Excellence Award і паўдзельнічаць у самым прэстыжным сусветным конкурсе эсэ Лідар заўтрашняга дня (Leader of Toмоrrow). Эсэ аб'ёмам не больш чым 2,100 слоў на тэму ​​тэму: Robots are coming for your job. How do you augment yourself to stay economically relevant? Апошні тэрмін падачы - 1 лютага.

Кандыдаты і кандыдаткі павінны прадставіць такія ідэі, якія змаглі б паўплываць на журы. Чакаюцца прафесійныя, творчыя эсэ, якія дадуць добрую ежу для разважання. Арганізатары пакрываюць транспартныя выдаткі, а таксама аплочваюць пражыванне і харчаванне ўдзельнікаў і ўдзельніц.

Кандыдаты і кандыдаткі змогуць:

  • Далучыцца да сумеснай дыскусіі з 600 лепшымі сусветнымі лідарамі;
  • Падзяліцца сваімі думкамі, ідэямі і прапановамі з сусветнай элітай;
  • Пазнаёміцца ​​з 200 яркімі сусветнымі маладымі розумамі;
  • Мець магчымасць стаць сябрамі сапраўды ўнікальнай і моцнай сусветнай арганізацыі;
  • Атрымаць узнагароду ў 30,000 CHF (каля 25 000€), якую падзеляць паміж сабой тры пераможцы, а таксама атрымаць узнагароду Gallen Wings of Excellence Award.


Патрабаванні да кандыдатаў і кандыдатак:

  1. навучацца ў магістратуры, або на паслядыпломнай праграме (праграма магістратуры ці аспірантуры) любой спецыяльнасці любога ўніверсітэта;
  2. узроставае абмежаванне: кандыдаты павінны быць не старэйшыя за 30 гадоў;
  3. падаць заяўку на ўдзел можна анлайн на сайце арганізатараў;
  4. акрамя заяўкі неабходна падаць такія дакументы: копія пашпарта (на англійскай, калі родная мова кандыдата не з групы раманскіх моў), дакумент, які пацвярджае што кандыдат навучаецца ў магістратуры, або на адной з паслядыпломнай праграм ва ўніверсітэце (бланк дакумента можна спампаваць на сайце арганізатараў);
  5. файл з эсэ, без ўказанні імя кандыдата ў файле.
     

Патрабаванні да эсэ:

  • Аб'ём - 2100 слоў.
  • Мова працы - англійская.
  • Работа павінна быць ананімная (не трэба паказваць імя кандыдата на працы).
  • Праца павінна быць індывідуальнай. Эсэ павінна быць напісана выключна для гэтага конкурсу.
  • Павінны быць пералічаныя ўсе крыніцы і прастаўленыя ўсе спасылкі ў адпаведных частках эсэ.

 

Крыніца: symposium.org