Конкурс бізнес-праектаў «Investor Day»

1 снежня 2018 пройдзе мерапрыемства, якое аб'яднае ў сабе конкурс бізнес-праектаў Investor Day і after-party Startup Night. Да ўдзелу запрашаюцца аўтары/кі праектаў, эксперты/кі, інвестары і ўсе, каго цікавяць стартапы і інавацыі. Уваход вольны (па папярэдняй рэгістрацыі).

Конкурс бізнес-праектаў "Investor Day" - гэта выдатная магчымасць для стартапаў прадставіць свой праект, атрымаць практычныя веды ў зносінах з інвестарамі, завесці карысныя кантакты з экспертамі/камі, якія дапамогуць дасягнуць поспеху ў выхадзе на новы ўзровень развіцця.

Узяць удзел у мерапрыемстве можа любы жадаючы, калі:

  • у вас ёсць ідэя, але вы не ведаеце, што з ёй рабіць;
  • вы ўжо зрабілі прататып, але не ведаеце, куды рухацца далей;
  • у вас ёсць прадукт, і трэба маштабавацца, але сваіх грошай не хапае;
  • вам цікава пазнаёміцца з тэмай стартапаў;
  • вы жадаеце завесці карысныя кантакты і адпачыць у коле аднадумцаў;

 

Акрамя таго, на "Startup Night" кожны жадаючы/ая зможа паўдзельнічаць у воркшопах, стартап-дэбатах і майстар-класах. Удзельнікаў і ўдзельніц чакае, гульнявая зона, дыскатэка, фуршэт і мноства іншых актыўнасці.

Крыніца: start.by