Кірмаш лепшых практык працы з моладдзю (Мінск)

аўт, 2015-04-07 12:30

16 траўня 2015 года ў Мінску пройдзе "Кірмаш лепшых практык працы з моладдзю". Мэта мерапрыемства - наладжванне ўстойлівых партнёрскіх сувязей паміж арганізацыямі, ініцыятывамі, спецыялістамі, якія працуюць з моладдзю.

На "Кірмаш лепшых практык працы з моладдзю" запрашаюцца прадстаўнікі беларускіх і замежных арганізацыяў і ініцыятыў, дзяржаўных і недзяржаўных арганізацыяў, сферы фармальнай і нефармальнай адукацыі, мастацтва, спорту, медыцыны, музейнай справы, бізнэсу і інш.

"Кірмаш лепшых практык працы з моладдзю" скіраваны на абмен досведам працы з моладдзю, матывацыю спецыялістаў і валанцёраў, планаванне супрацоўніцтва ў сектары працы з моладдзю.

Праграма мерапрыемства ўключае:

  • майстар-класы,
  • выступы экспертаў,
  • прэзентацыю найбольш паспяховых прыкладаў працы з моладдзю,
  • абмеркаванне будучых сумесных дзеянняў у працоўных групах,
  • дыскусіі.

Для ўдзелу ў "Кірмашы лепшых практык працы з моладдзю" неабходна да 20 красавіка (уключна) запоўніць анлайн-анкету.

Мерапрыемства пройдзе па адрасе: крэатыўная прастора "ЦЭХ", вул. Кастрычніцкая, 16, Мінск.

Па дадатковых пытаннях і прапановах неабходна звяртацца ў Моладзевы адукацыйны цэнтр "Фіальта" па тэл.: (29) 205 47 60 (спадарыня Аліса Карповіч), альбо на е-мэйл: alisa.karpovich@gmail.com.

Партнёры мерапрыемства: Моладзевы адукацыйны цэнтр "Фіальта", Асветніцкая ўстанова "Офіс еўрапейскай экспертызы і камунікацыяў", Беларускае моладзевае грамадскае аб'яднанне "Новые твары", Міжнароднае грамадскае аб'яднанне "Гісторыка", Моладзевае грамадскае аб'яднанне "Фаланстэр", Прыватная асветніцкая ўстанова "Офіс прасоўвання ініцыятыў", Асацыяцыя дадатковай адукацыі і асветы, Братэрства арганізатараў студэнцкага самакіравання (БАСС), вэб-рэсурс Adukacyja.info, адукацыйны і кадравы цэнтр "Новае заўтра", Прадстаўніцтва зарэгістраванага таварыства "Deutscher Volkshochschul-Verband e.V." у Беларусі.

"Кiрмаш лепшых практык працы з моладдзю" ладзіцца ў межах праграмы "Youth:ON".

Больш падрабязная інфармацыя пра падзею размешчана тут.

 

Паводле Fialta.