Intercamp: Летнік міжнародных камунікацый (Беларусь)

чцв, 2015-04-02 11:05

Офіс прасоўвання ініцыятыў (Беларусь) прапануе ўдзел для падлеткаў у летніку міжнародных камунікацый "Intercamp". Навучанне ў летніку скіравана на развіццё навыкаў міжнародных зносін у англамоўным асяроддзі. "Intercamp" пройдзе з 23 па 31 ліпеня 2015 года ў Валожынскім районе (Беларусь).

Праграма складаецца з блокаў:

- "Школа маладога дыпламата",

- "Практыкум па талерантнасці".

Заняткі ўключаюць развіццё навыкаў лідарства, публічных прамоў, міжкультурнага дыялогу, перамоў на ангельскай мове, працы ў камандзе.

Запрашаюцца падлеткі 13-17 гадоў. Унёсак удзельніка складае 180 еўра (у бел. руб. па курсе Нацбанка Беларусі на дзень аплаты).

У праграму навучання ўключаны:

  • культурныя вечарыны "Маладая Еўропа",
  • ART-майстэрня,
  • гульня "English Мова",
  • фэст "Маладая Беларусь",
  • спартыўнае арыентаванне.

У працы летніку прымуць удзел міжнародныя валанцёры Офіса прасоўвання ініцыятыў. Працоўныя мовы: руская, беларуская, ангельская. Месца правядзення: база адпачынку "Галактыка", Ракаў, Валожынскі раён, Мінская вобласць.

Дэдлайн - 20 красавіка 2015 года. Кандыдаты мусяць запоўніць анлайн-анкету.

Больш падрабязную інфармацыю можна атрымаць па тэл.: (29) 395 85 02, альбо праз е-мэйл: [email protected].

 

Паводле NGO-OIP.by.