Гранты на стварэнне фільмаў - Filmmakers Without Borders

Filmmakers Without Borders прымае заяўкі ад маладых і вопытных рэжысёраў/к з усіх краін свету. Фінансаванне можна атрымаць на дакументальныя, эксперыментальныя, мастацкія і медыя праекты на розных стадыях вытворчасці. Апошні тэрмін падачы заяўкі - 1 студзеня 2019.

Гэта некамерцыйная арганізацыя, праца якой заключаецца ў пашырэнні магчымасцяў наступнага пакалення рэжысёраў/к. Гранты арганізацыі прадастаўляюць фінансаванне і падтрымку незалежным рэжысёрам/кам.

Мэты:

• пашырэнне магчымасцяў рэжысёраў/к;
• прасоўванне розных абшчын і культур;
• магчымасць падзяліцца рознымі перспектывамі і гісторыямі;
• падтрымка незалежных рэжысёраў/к з усяго свету.

Праекты павінны раскрываць адну з тэм:

• сацыяльная справядлівасць;
• галасы жанчын;
• галасы моладзі;
• ідэнтычнасць;
• культурны абмен;
• кліматычныя змены.

Гранты:

• Развіццё - ад 250$ да 1000$
• Вытворчасць - ад 500 да 5000$
• Пост-прадакшн - ад 250$ да 2500$
• Удзел у кінафестывалі - ад 100$ да 750$

Патрабаванні да кандыдатаў і кандыдатак:

• прымаюцца заяўкі з усіх краін;
• старэйшыя за 18 гадоў;
• павінны разбірацца ў лічбавых тэхналогіях;
• павінны прадэманстраваць прыклады сваіх работ;
• заяўкі і матэрыялы павінны быць на англійскай (фільм можа быць на любой мове, але з субтытрамі на англійскай);
• падаваць заяўкі могуць як маладыя, так і ўжо вопытныя рэжысёры/кі.

Крыніца: filmmakerswithoutborders.org